Devara 2 | దేవర 2కి గ్రీన్ సిగ్నల్ .. మే నుంచి షూటింగ్, వచ్చే ఏడాదిలోనే విడుదల అంటూ నిర్మాత బిగ్ అప్డేట్

Devara 2 | మ్యాన్ ఆఫ్ మాసెస్ ఎన్టీఆర్ హీరోగా, జాన్వీ కపూర్ హీరోయిన్‌గా దర్శకుడు కొరటాల శివ తెరకెక్కించిన బ్లాక్‌బస్టర్ చిత్రం ‘దేవర’ బాక్సాఫీస్‌ను షేక్ చేసిన సంగతి తెలిసిందే. భారీ అంచనాల నడుమ విడుదలైన ఈ సినిమా, ఓపెనింగ్స్ నుంచే రికార్డు స్థాయి వసూళ్లతో దూసుకుపోయింది. ఈ విజయంతోనే ‘దేవర’కు సీక్వెల్ ఉంటుందా? లేదా? అనే ప్రశ్నలు అప్పటినుంచి అభిమానుల్లో చర్చనీయాంశంగా మారాయి.‘

Devara 2 | మ్యాన్ ఆఫ్ మాసెస్ ఎన్టీఆర్ హీరోగా, జాన్వీ కపూర్ హీరోయిన్‌గా దర్శకుడు కొరటాల శివ తెరకెక్కించిన బ్లాక్‌బస్టర్ చిత్రం ‘దేవర’ బాక్సాఫీస్‌ను షేక్ చేసిన సంగతి తెలిసిందే. భారీ అంచనాల నడుమ విడుదలైన ఈ సినిమా, ఓపెనింగ్స్ నుంచే రికార్డు స్థాయి వసూళ్లతో దూసుకుపోయింది. ఈ విజయంతోనే ‘దేవర’కు సీక్వెల్ ఉంటుందా? లేదా? అనే ప్రశ్నలు అప్పటినుంచి అభిమానుల్లో చర్చనీయాంశంగా మారాయి.‘దేవర 2’ (DeVara Part 2) గురించి ఎన్నో రూమర్లు సోషల్ మీడియాలో తిరుగుతూనే ఉన్నాయి. షూటింగ్ డిలే అవుతోందని, ప్రాజెక్ట్ నిలిచిపోయిందని కూడా కొంతమంది ప్రచారం చేశారు. అయితే ఇప్పుడు వాటన్నింటికీ ఫుల్ స్టాప్ పెట్టేలా నిర్మాతల నుంచి స్పష్టమైన ప్రకటన వెలువడింది.

‘దేవర’ నిర్మాతలలో ఒకరైన మిక్కిలినేని సుధాకర్, యువసుధా ఆర్ట్స్ అధినేతగా తాజాగా కీలక అప్డేట్ ఇచ్చారు. ఆయన మాటల్లోనే చెప్పాలంటే … ‘దేవర 2’ షూటింగ్ ఈ ఏడాది మే నెల నుంచి ప్రారంభం కానుంది. అలాగే ఈ చిత్రాన్ని వచ్చే ఏడాదిలోనే ప్రేక్షకుల ముందుకు తీసుకురావాలని ప్లాన్ చేస్తున్నాం. ఈ ప్రకటనతో అభిమానుల్లో ఒక్కసారిగా ఉత్సాహం రెట్టింపయ్యింది. సీక్వెల్ విషయంలో నెలకొన్న అనుమానాలన్నింటికీ ఇప్పుడు చెక్ పెట్టార‌ని చెప్పొచ్చు. ప్రస్తుతం ఎన్టీఆర్ దర్శకుడు ప్రశాంత్ నీల్ కాంబినేషన్‌లో తెరకెక్కుతున్న భారీ యాక్షన్ ప్రాజెక్ట్‌లో బిజీగా ఉన్నారు. ఈ సినిమా షూటింగ్ ఇప్పటికే కొంత వరకు పూర్తయ్యింది. మే నెల కల్లా ఆ ప్రాజెక్ట్‌ను పూర్తి చేసే అవకాశం ఉందని టాక్. ఆ వెంటనే ఎన్టీఆర్ ‘దేవర 2’ సెట్స్‌లోకి అడుగుపెట్టనున్నారని సమాచారం.

‘దేవర’ మొదటి భాగం క్లైమాక్స్ వద్దే రెండో భాగానికి భారీ స్కోప్ ఉందని దర్శకుడు కొరటాల శివ ముందే హింట్ ఇచ్చారు. అందుకే ‘దేవర 2’పై అంచనాలు మరింత పెరిగాయి. ఎన్టీఆర్ మాస్ ఇమేజ్, కొరటాల శివ స్ట్రాంగ్ న్యారేషన్, గ్రాండ్ మేకింగ్… ఈ మూడు కలిసి సీక్వెల్‌ను మరింత పవర్‌ఫుల్‌గా మార్చనున్నాయనే నమ్మకం అభిమానుల్లో బలంగా ఉంది. మొత్తానికి, ‘దేవర 2’ మే నుంచి షూటింగ్, వచ్చే ఏడాదిలో రిలీజ్ అన్న నిర్మాత అప్డేట్‌తో… ఎన్టీఆర్ ఫ్యాన్స్‌కి ఇది నిజంగా ఊహించని గిఫ్ట్ అని చెప్పొచ్చు. ఇప్పుడు అందరి చూపు దేవర పార్ట్ 2 ఎలాంటి రికార్డులు బ్రేక్ చేస్తుందో చూడాలి.