Aadipurush | ఆదిపురుష్‌ విడుదల తేదీలో మార్పు.. క్రేజీ గాసిప్‌లో నిజమెంత..?

ఇప్పటికే విడుదలైన ఆదిపురుష్‌ (Aadipurush) టీజర్‌కు మంచి స్పందన వస్తోంది. కాగా ఈ చిత్రాన్ని 2023 జ‌న‌వరి 12న సంక్రాంతి కానుక‌గా ప్ర‌పంచ‌వ్యాప్తంగా విడుదల చేయనున్నట్టు మేకర్స్ ప్రకటించిన విషయం తెలిసిందే. అయితే ప్రభాస్‌ అభిమానుల్లో నిరాశ కలిగించే గాసిప్‌ ఒకటి ఇండస్ట్రీ సర్కిల్‌లో రౌండప్ చేస్తోంది.

October 25, 2022 / 06:58 PM IST

Aadipurush | ఆదిపురుష్‌ విడుదల తేదీలో మార్పు.. క్రేజీ గాసిప్‌లో నిజమెంత..?

పాన్ ఇండియా స్టార్‌ హీరో ప్ర‌భాస్ (Prabhas)న‌టిస్తోన్న మైథలాజిక‌ల్ డ్రామా ఆదిపురుష్ (Aadipurush). తానాజీ ఫేం ఓం రౌత్ (Om Raut)దర్శకత్వం వహిస్తున్నాడు. ఇప్పటికే విడుదలైన ఆదిపురుష్‌ టీజర్‌కు మంచి స్పందన వస్తోంది. కాగా ఈ చిత్రాన్ని 2023 జ‌న‌వరి 12న సంక్రాంతి కానుక‌గా ప్ర‌పంచ‌వ్యాప్తంగా విడుదల చేయనున్నట్టు మేకర్స్ ప్రకటించిన విషయం తెలిసిందే. అయితే ప్రభాస్‌ అభిమానుల్లో నిరాశ కలిగించే గాసిప్‌ ఒకటి ఇండస్ట్రీ సర్కిల్‌లో రౌండప్ చేస్తోంది.

ఆదిపురుష్‌ అనుకున్న డేట్‌కు కాకుండా ముందుకానీ, తర్వాత కానీ విడుదల కానుందంటూ ఓ వార్త నెట్టింట్ల హల్‌ చల్ చేస్తోంది. తాజా గాసిప్ ప్రకారం ఆదిపురుష్‌ జనవరి మొదటి వారంలో కానీ లేదా ఫిబ్రవరిలో కానీ విడుదల కానుందని వార్తలు వస్తున్నాయి. మరి విడుదల వాయిదా అంటూ వస్తున్న వార్తలు నిజమేనా..? వట్టి పుకార్లు మాత్రమేనా అనే దానిపై మేకర్స్ ఏదైనా అప్‌డేట్‌ ఇస్తారేమో చూడాలంటున్నారు సినీ జనాలు.

ఈ చిత్రంలో ప్ర‌భాస్‌ రాముడి పాత్ర‌లో క‌నిపించ‌నున్నాడు. బాలీవుడ్ బ్యూటీ కృతిస‌న‌న్ సీత పాత్రలో న‌టిస్తోండగా… సైఫ్ అలీ ఖాన్ రావ‌ణాసుడిగా క‌నిపించ‌బోతున్నాడు. స‌న్నీ సింగ్ ల‌క్ష్మ‌ణుడి పాత్ర‌లో, హ‌నుమంతుడి పాత్రలో దేవ్‌ద‌త్తా న‌గే న‌టిస్తున్నారు. ఆది పురుష్ చిత్రాన్ని టీ సిరీస్, రెట్రోఫైల్స్ సంయుక్తంగా నిర్మిస్తున్నాయి. ఈ చిత్రానికి సాచెట్‌-ప‌రంప‌ర మ్యూజిక్ అందిస్తున్నారు.