తండ్రి ప్రేమను చాటే చౌకీదార్

సాయికుమార్‌ ప్రధాన పాత్రలో నటిస్తున్న తాజా చిత్రం ‘చౌకీదార్‌'. పృథ్వీ అంబర్‌, ధన్య రమ్యకుమార్‌ జంటగా నటిస్తున్నారు. తెలుగు, కన్నడ భాషల్లో చంద్రశేఖర్‌ బండియప్ప రూపొందిస్తున్నారు.

సాయికుమార్‌ ప్రధాన పాత్రలో నటిస్తున్న తాజా చిత్రం ‘చౌకీదార్‌’. పృథ్వీ అంబర్‌, ధన్య రమ్యకుమార్‌ జంటగా నటిస్తున్నారు. తెలుగు, కన్నడ భాషల్లో చంద్రశేఖర్‌ బండియప్ప రూపొందిస్తున్నారు. కల్లహల్లి చంద్రశేఖర్‌ నిర్మాత. సోమవారం ఈ సినిమాలోని ఓ ఎమోషనల్‌ సాంగ్‌ను విడుదల చేశారు.

నాన్న గొప్పదనాన్ని తెలియజెపుతూ హృద్యంగా సాగిందీ గీతం. సచిన్‌ బస్రూర్‌ స్వరపరచిన ఈ పాటను విజయ్‌ప్రకాష్‌ ఆలపించారు. సాయికుమార్‌ తండ్రి పాత్రలో ఆకట్టుకున్నారు. పృథ్వీఅంబర్‌, సాయికుమార్‌ మధ్య వచ్చే సన్నివేశాలు హృదయాన్ని కదిలించేలా ఉన్నాయి. ఈ సినిమా విడుదల తేదీని త్వరలో ప్రకటించనున్నారు.