SSMB29లో చియాన్‌ విక్రమ్‌?

బాహుబలి ఫ్రాంచైజీ, ఆర్‌ఆర్‌ఆర్‌ చిత్రాల తర్వాత ప్రపంచ ప్రఖ్యాత దర్శకుల జాబితాలో చేరారు రాజమౌళి. ప్రస్తుతం ఆయన మహేశ్‌బాబు హీరోగా తెరకెక్కిస్తున్న ‘ఎస్‌ఎస్‌ఎంబీ 29’పై ప్రపంచవ్యాప్తంగా అంచనాలున్నాయి.

బాహుబలి ఫ్రాంచైజీ, ఆర్‌ఆర్‌ఆర్‌ చిత్రాల తర్వాత ప్రపంచ ప్రఖ్యాత దర్శకుల జాబితాలో చేరారు రాజమౌళి. ప్రస్తుతం ఆయన మహేశ్‌బాబు హీరోగా తెరకెక్కిస్తున్న ‘ఎస్‌ఎస్‌ఎంబీ 29’పై ప్రపంచవ్యాప్తంగా అంచనాలున్నాయి. ఈ ప్రస్టేజియస్‌ పాన్‌ ఇండియా సినిమాలో మలయాళ నటుడు పృథ్వీరాజ్‌ సుకుమారన్‌ కీలక పాత్ర పోషిస్తున్న విషయం తెలిసిందే. తాజా సమాచారం ప్రకారం వెర్సటైల్‌ హీరో చియాన్‌ విక్రమ్‌ కూడా ఈ ప్రాజెక్ట్‌లో భాగం కానున్నారట. ఇటీవలే విక్రమ్‌కి రాజమౌళి కథ వినిపించారట.

ఆయన కూడా రాజమౌళీ సినిమాలో నటించేందుకు ఉత్సాహం చూపిస్తున్నట్టు తెలుస్తున్నది.అమేజాన్‌ అడవుల నేపథ్యంలో నిధి అన్వేషణే ప్రధానాంశంగా రూపొందనున్న ఈ సినిమాలో విక్రమ్‌ పాత్ర చాలా కీలకంగా ఉండబోతున్నదని సమాచారం. ప్రఖ్యాత భారతీయ నటులతోపాటు, హాలీవుడ్‌కి చెందిన నటులు కూడా భాగమవుతున్న ఈ సినిమాకు మాటలు: దేవకట్టా, సంగీతం: ఎం.ఎం.కీరవాణి, నిర్మాత: కె.ఎల్‌.నారాయణ, నిర్మాణం: దుర్గా ఆర్ట్స్‌.