ఆరంభం అదిరిపోయేలా..

అగ్ర కథానాయకుడు చిరంజీవి నటిస్తున్న ‘విశ్వంభర’ చిత్రం గురించి అభిమానులు ఆతృతగా ఎదురుచూస్తున్నారు. ఇప్పటికే ప్రచార చిత్రాలు సినిమాపై అంచనాలను రెట్టింపు చేశాయి.

అగ్ర కథానాయకుడు చిరంజీవి నటిస్తున్న ‘విశ్వంభర’ చిత్రం గురించి అభిమానులు ఆతృతగా ఎదురుచూస్తున్నారు. ఇప్పటికే ప్రచార చిత్రాలు సినిమాపై అంచనాలను రెట్టింపు చేశాయి. ‘బింబిసార’ ఫేమ్‌ వశిష్ట దర్శకత్వం వహిస్తున్న ఈ చిత్రాన్ని యువీ క్రియేషన్స్‌ పతాకంపై విక్రమ్‌, వంశీ, ప్రమోద్‌ నిర్మిస్తున్నారు. చిత్రీకరణ తుదిదశకు చేరుకుంది. తాజా షెడ్యూల్‌లో చిరంజీవిపై ఉపోద్ఘాత గీతాన్ని తెరకెక్కిస్తున్నారు.

హైదరాబాద్‌ శంకర్‌పల్లిలో వేసిన భారీ సెట్‌లో ఈ పాట చిత్రీకరణ జరుగుతున్నది. కీరవాణి స్వరపరచిన ఈ పాటను రామజోగయ్యశాస్త్రి రచించారు. శోబి మాస్టర్‌ నృత్యరీతుల్ని సమకూర్చారు. మాస్‌ బీట్‌తో హుషారెత్తించే పాట ఇదని, చిరంజీవి డ్యాన్స్‌ హైలైట్‌గా నిలుస్తుందని మేకర్స్‌ తెలిపారు. సోషియో ఫాంటసీ కథాంశంతో ఈ చిత్రాన్ని తెరకెక్కిస్తున్నారు.

ఓ దైవకార్యం నెరవేర్చడానికి భువిపై జన్మించిన ఓ వ్యక్తికి, విశ్వంభర అనే లోకానికి మధ్యన ఉండే సంబంధం, కార్యసాధనలో అతను చేసే ప్రయాణం నేపథ్యంలో ఈ చిత్రాన్ని తెరకెక్కిస్తున్నారు. త్రిష, ఆషికా రంగనాథ్‌ కథానాయికలుగా నటిస్తున్న ఈ చిత్రానికి కెమెరా: చోటా కె నాయుడు, సంగీతం: ఎం.ఎం.కీరవాణి, రచన-దర్శకత్వం: వశిష్ట.