Agent | అఖిల్ ఏజెంట్‌పై సెన్సార్‌ బోర్డు అభ్యంతరాలివే..!

Agent | అఖిల్ అక్కినేని (Akhil Akkineni) యాక్షన్‌ ఎంటర్‌టైనర్‌ ఏజెంట్ (Agent) ఏప్రిల్ 28న ప్రపంచవ్యాప్తంగా తెలుగు, మలయాళంతోపాటు పలు భాషల్లో గ్రాండ్‌గా విడుదల కానుంది. ఈ నేపథ్యంలో ఇప్పటికే అఖిల్ టీం ప్రమోషన్స్ లో ఫుల్ బిజీగా ఉంది. కాగా ఏజెంట్‌ సెన్సార్‌ అప్‌డేట్ బయటకు వచ్చింది.

April 26, 2023 / 08:50 PM IST

Agent | అఖిల్ ఏజెంట్‌పై సెన్సార్‌ బోర్డు అభ్యంతరాలివే..!

Agent | టాలీవుడ్ యువ హీరో అఖిల్ అక్కినేని (Akhil Akkineni) మరో రెండు రోజుల్లో యాక్షన్‌ అవతార్‌లో అదరగొట్టేందుకు రెడీ అవుతున్నాడు. సురేంద‌ర్ రెడ్డి (Surenderreddy) డైరెక్ట్ చేస్తున్న యాక్షన్‌ ఎంటర్‌టైనర్‌ ఏజెంట్ (Agent) ఏప్రిల్ 28న ప్రపంచవ్యాప్తంగా తెలుగు, మలయాళంతోపాటు పలు భాషల్లో గ్రాండ్‌గా విడుదల కానుంది. ఈ నేపథ్యంలో ఇప్పటికే అఖిల్ టీం ప్రమోషన్స్ లో ఫుల్ బిజీగా ఉంది. కాగా ఏజెంట్‌ సెన్సార్‌ అప్‌డేట్ బయటకు వచ్చింది.

ఏజెంట్‌ చిత్రాన్ని వీక్షించిన సెన్సార్ బోర్డు (CBFC) మెంబర్స్‌.. సినిమాలో ఎనిమిది అభ్యంతరాలను లేవనెత్తినట్టు ఇన్‌సైడ్‌ టాక్‌. రెగ్యులేటరీ గైడ్‌లైన్స్‌కు అనుగుణంగా సినిమాలోని కొన్ని కఠువైన పదాలను మ్యూట్‌ చేయగా.. ప్రేక్షకులపై ప్రతికూల ప్రభావం పడకుండా ఉండేలా సినిమాలో వచ్చే రెండు హింసాత్మక సన్నివేశాలను బ్లాక్ చేసినట్టు సమాచారం. ఏజెంట్‌తో మోడల్‌ సాక్షి వైద్య (Sakshi vaidya) సిల్వర్ స్క్రీన్‌పై తొలిసారి హీరోయిన్‌గా ఎంట్రీ ఇస్తోంది.

ఈ చిత్రంలో మ‌ల‌యాళ‌ స్టార్ హీరో మమ్ముట్టి (Mammootty) కీలక పాత్రలో నటిస్తుండగా.. డినోమోరియా, ముర‌ళీ శ‌ర్మ‌, పోసాని కృష్ణమురళి ఇతర ప్రధాన పాత్రల్లో నటిస్తున్నారు. ఈ చిత్రాన్ని ఏకే ఎంటర్‌టైన్‌మెంట్స్‌, సురేందర్‌ 2 సినిమా బ్యానర్లు సంయుక్తంగా తెరకెక్కిస్తున్నాయి. ఏజెంట్‌ చిత్రానికి వక్కంతం వంశీ కథనందిస్తున్నారు. ఇప్పటికే ఏజెంట్‌ నుంచి విడుదల చేసిన పాటలు,టీజర్‌, ట్రైలర్‌ సినిమాపై పాటలు మ్యూజిక్‌ లవర్స్‌ను ఆకట్టుకుంటున్నాయి.

మళ్లీ మళ్లీ నువ్వే సాంగ్‌ లిరికల్ వీడియో..