Samantha | సమంతకు సరికొత్త కానుక సిద్ధం చేసిన అభిమాని.. ఏకంగా ఇంట్లోనే గుడి

Samantha | స్టార్ హీరోయిన్‌ సమంత (Samantha) గతేడాది తాను మయోసైటిస్‌ వ్యాధి బారిన పడ్డట్లు ప్రకటించగానే అభిమానులు ఆందోళన వ్యక్తం చేశారు. సమంత త్వరగా కోలుకోవాలని దేవుడిని ప్రార్థించిన వీరాభిమానుల్లో సందీప్‌ (Sandeep) ఒకడు.

April 26, 2023 / 08:51 PM IST

Samantha | సమంతకు సరికొత్త కానుక సిద్ధం చేసిన అభిమాని.. ఏకంగా ఇంట్లోనే గుడి

Samantha | సాధారణంగా హీరోహీరోయిన్లకు అభిమానులుండటం సహజమే.. కానీ కొంతమందికి మాత్రం వీరాభిమానులుంటారు. ఎంతలా అంటే తమ అభిమాన నటీనటులకు ఏ మాత్రం కష్టమొచ్చినా తట్టుకోలేరు. ఆ కష్టాన్ని గుర్తు చేసుకుంటూ భావోద్వేగానికి లోనవుతుంటారు. ఇటీవలే ఇలాంటి పరిస్థితులు స్టార్ హీరోయిన్‌ సమంత (Samantha) విషయంలో కనిపించాయి. అందుకు కారణమేంటనేది ఊహించే ఉంటారు. గతేడాది తాను మయోసైటిస్‌ వ్యాధి బారిన పడ్డట్లు సమంత ప్రకటించగానే అభిమానులు ఆందోళన వ్యక్తం చేశారు.

సమంత త్వరగా కోలుకోవాలని దేవుడిని ప్రార్థించిన వీరాభిమానుల్లో సందీప్‌ (Sandeep) ఒకడు. అయితే వ్యాధి బారి నుంచి మెల్లమెల్లగా బయట పడి ప్రస్తుతం బ్యాక్ టు బ్యాక్ సినిమాలతో ఫుల్ బిజీగా మారిపోయింది సామ్‌. తన అభిమాన నటి సమంత ఎప్పటిలాగే ప్రొఫెషనల్‌గా బిజీ అవడంతో సందీప్‌ సంతోషంలో ఎగిరిగంతేస్తున్నాడు. ఈ అభిమాని ఆంధ్రప్రదేశ్‌లోని బాపట్ల జిల్లా ఆలపాడు వాసి. ఈ నెల 28న సమంత పుట్టినరోజు జరుపుకోనున్న నేపథ్యంలో.. ఆమెకు జీవితాంతం గుర్తుండిపోయే విలువైన బహుమతి ఏదైనా ఇవ్వాలనుకున్నాడు.

తన అభిమాన నటిపై ఉన్న గౌరవాన్ని చాటుకునేందుకు సందీప్‌ ఏకంగా తన ఇంటిలోనే సమంత విగ్రహం తయారు చేయించి గుడి కడుతున్నాడు. సమంతకు సందీప్‌ గుడి కట్టడమే కాదు.. మయోసైటిస్‌ నుంచి కోలుకున్న సందర్భంగా తిరుపతి, చెన్నై, నాగపట్నం, కడప దర్గా దైవ క్షేత్రములకు మొక్కుబడి యాత్ర నిర్వహించినట్టు తెలిపాడు. సమంతకు సరికొత్త కానుకను సిద్దం చేస్తున్న సందీప్‌పై అభిమానులు ప్రశంసలు కురిపిస్తున్నారు.