ఇప్పటివరకు రాని కథ

సుడిగాలి సుధీర్‌ కథానాయకుడిగా నటిస్తున్న చిత్రం ‘కాలింగ్‌ సహస్ర’. అరుణ్‌ విక్కిరాలా దర్శకత్వంలో విజేష్‌ తయాల్‌, చిరంజీవి పమిడి, వెంకటేశ్వర్లు కాటూరి నిర్మిస్తున్నారు. డాలీషా కథానాయిక. డిసెంబర్‌ 1న ప్రేక్షకుల ముందుకురానుంది. మంగళవారం ట్రైలర్‌ను విడుదల చేశారు.

సుడిగాలి సుధీర్‌ కథానాయకుడిగా నటిస్తున్న చిత్రం ‘కాలింగ్‌ సహస్ర’. అరుణ్‌ విక్కిరాలా దర్శకత్వంలో విజేష్‌ తయాల్‌, చిరంజీవి పమిడి, వెంకటేశ్వర్లు కాటూరి నిర్మిస్తున్నారు. డాలీషా కథానాయిక. డిసెంబర్‌ 1న ప్రేక్షకుల ముందుకురానుంది. మంగళవారం ట్రైలర్‌ను విడుదల చేశారు. ఈ సందర్భంగా సుడిగాలి సుధీర్‌ మాట్లాడుతూ ‘సస్పెన్స్‌ థ్రిల్లర్‌ చిత్రమిది. కథ, కథనాలు వైవిధ్యంగా ఉంటాయి.

అనుక్షణం ఉత్కంఠను పంచుతూ సాగుతుంది. కొత్తదనానికి తెలుగు ప్రేక్షకులు ఎప్పుడూ పట్టం కడతారు. అదే రీతిలో ఈ సినిమాను ఆదరిస్తారనుకుంటున్నా’ అన్నారు. ఇప్పటివరకు ఇండియన్‌ స్క్రీన్‌పై రానటువంటి కథ ఇదని దర్శకుడు అరుణ్‌ విక్కిరాలా తెలిపారు. ట్రైలర్‌కు మంచి స్పందన లభిస్తున్నదని, ఓ కొత్త కథను తెలుగు ప్రేక్షకులకు పరిచయం చేస్తున్నామని నిర్మాత విజేష్‌ తయాల్‌ పేర్కొన్నారు. శివబాలాజీ, మనోహరన్‌ తదితరులు నటిస్తున్న ఈ చిత్రానికి కెమెరా: సన్ని డి, సంగీతం: మోహిత్‌ రెహమానియక్‌, రచన-దర్శకత్వం: అరుణ్‌ విక్కిరాలా.