Deepika Paudkone | తన అందం వెనుక సీక్రెట్స్‌ ఏంటో బయటపెట్టిన దీపికా పదుకొణె

Deepika Paudkone | తన అభినయంతో బాలీవుడ్‌లో స్టార్‌డమ్‌ తెచ్చుకున్న నటి దీపికా పదుకొణె. రణ్‌వీర్‌తో జీవితాన్ని పంచుకున్న ఈ పొడుగుకాళ్ల సుందరి పెండ్లయ్యాక కూడా కెరీర్‌లో దూసుకుపోతున్నది. స్కిన్‌కేర్‌ ప్రొడక్ట్‌తో ఆంత్రప్రెన్యూర్‌గా మారింది.

Deepika Paudkone | తన అభినయంతో బాలీవుడ్‌లో స్టార్‌డమ్‌ తెచ్చుకున్న నటి దీపికా పదుకొణె. రణ్‌వీర్‌తో జీవితాన్ని పంచుకున్న ఈ పొడుగుకాళ్ల సుందరి పెండ్లయ్యాక కూడా కెరీర్‌లో దూసుకుపోతున్నది. స్కిన్‌కేర్‌ ప్రొడక్ట్‌తో ఆంత్రప్రెన్యూర్‌గా మారింది. ఒకవైపు సినిమాలు, మరోవైపు బిజినెస్‌ పనులు చక్కబెడుతూ అతివకు అన్నీ సాధ్యమే అని నిరూపిస్తున్నది. తను ఎంత బిజీగా ఉన్నా.. నిద్రాహారాల విషయంలో జాగ్రత్తగా ఉంటానని చెబుతున్న దీపికా పంచుకున్న అనుభవాలు ఆమె మాటల్లోనే…

• గ్లామర్‌ ఫీల్డ్‌లో ఉన్నందుకు ఆహార నియమాలు పాటించాల్సిందే! రుచుల కోసం వెంపర్లాడితే సమస్యలు తప్పవు. అలాగని నేనేం నోరు కట్టుకొని ఉండను. రకరకాల రుచులు ఆస్వాదిస్తాను. పండ్లముక్కలు, కూరగాయల జ్యూస్‌తో బ్రేక్‌ఫాస్ట్‌ అయిందనిపిస్తాను. మధ్యాహ్నం లంచ్‌లోకి బ్రౌన్‌ రైస్‌, పప్పు, ఒకటి రెండు కర్రీస్‌తోపాటు ప్రొటీన్‌ పదార్థాలు ఉండేలా చూసుకుంటాను. సాయంత్రం స్నాక్స్‌ తప్పకుండా తీసుకుంటాను. రాత్రి అన్నం చాలా పరిమితంగా తింటాను. జర్నీలో ఉన్నప్పుడు ఎక్కువ జాగ్రత్తగా ఉంటాను. డైట్‌ రూల్స్‌ పాటిస్తాను.
• ఆరోగ్యంగా ఉండాలంటే తీవ్ర సాధనలు చేయాల్సిన అవసరం లేదు. రొటీన్‌ వర్కవుట్లు చాలు అనిపిస్తుంది. శారీరకంగా, మానసికంగా ఆరోగ్యంగా ఉండాలంటే.. కంటినిండా నిద్ర ఉండాలి. అప్పుడు ఒత్తిడి దరి చేరకుండా ఉంటుంది. నిద్ర, ఆహారం ఈ రెండే నేను పాటించే ఫిట్‌నెస్‌ సూత్రాలు.

• నా షెడ్యూల్‌ ఎంత బిజీగా ఉన్నా.. నిద్రకు కేటాయించిన సమయం తక్కువ కాకుండా చూసుకుంటా. సమయం ఉన్నరోజు తొమ్మిది గంటలు పడుకుంటా. రెగ్యులర్‌గా అయితే కనీసం ఏడు గంటలు, గరిష్ఠంగా ఎనిమిది గంటలు హాయిగా నిద్రపోతా. అంతసేపు పడుకుంటాను కదా.. తెల్లారేసరికి ఒత్తిళ్లన్నీ పరారైనట్టు అనిపిస్తుంది.
• ఒక్కరోజులో ఏదో సాధించేస్తాం అనుకుంటే పొరపాటు. నిబద్ధతతో పనిచేస్తూ ఉంటే సక్సెస్‌ వస్తుంది. ఏదైనా సాధించాలంటే ఓపిక చాలా అవసరం. ఆటుపోట్లు ఎదురైనప్పుడు వాటిని ధైర్యంగా ఎదుర్కోవాలి. అన్నిటికన్నా కమిట్‌మెంట్‌ చాలా ముఖ్యం. గెలుపు వచ్చినప్పుడు పొంగిపోయినా, ఓటమి ఎదురైనప్పుడు కుంగిపోయినా అనుకున్న లక్ష్యాన్ని చేరుకోలేం.
• సోషల్‌ మీడియాలో రకరకాల రాతలు వస్తూ ఉంటాయి. వాటన్నిటి గురించి ఆలోచిస్తూ కూర్చుంటే మనం అడుగు ముందుకు వేయలేం. శిక్షణ సమయంలో క్రీడాకారులకు ఫోకస్డ్‌గా ఉండమని చెబుతుంటారు. సామాజిక మాధ్యమాల నెగెటివిటీ ప్రభావం మనపై పడకూడదంటే చాలా ఫోకస్డ్‌గా ఉండాలి. పుకార్లను ఖండిస్తూ పోతే.. మనకంటూ సమయం మిగలదు.