దేనికైనా టైమ్‌ రావాలి!

తెలుగులో ఇప్పటివరకూ మూడు సినిమాల్లో నటించింది మృణాళ్‌ ఠాకూర్‌. వాటిలో సీతారామం, హాయ్‌ నాన్న బాగా ఆడాయి. ‘ఫ్యామిలీ స్టార్‌' మాత్రం కాస్త చేదు అనుభవాన్నే ఇచ్చింది.

తెలుగులో ఇప్పటివరకూ మూడు సినిమాల్లో నటించింది మృణాళ్‌ ఠాకూర్‌. వాటిలో సీతారామం, హాయ్‌ నాన్న బాగా ఆడాయి. ‘ఫ్యామిలీ స్టార్‌’ మాత్రం కాస్త చేదు అనుభవాన్నే ఇచ్చింది. ప్రస్తుతం ఆమె తెలుగులో అడివి శేష్‌తో ‘డెకాయిట్‌’లో నటిస్తున్నది. ఓ వైపు తెలుగులో సెలక్టివ్‌గా సినిమాలు చేస్తూ, మరోవైపు బాలీవుడ్‌లోనూ తన గుర్తింపును కాపాడుకుంటున్నది ఈ మరాఠీ సుందరి. ప్రస్తుతం బాలీవుడ్‌లో ఆమె నటించిన ‘సన్నాఫ్‌ సర్దార్‌ 2’ సినిమా విడుదలకు సిద్ధంగా ఉంది.

ఈ సినిమా ప్రమోషన్స్‌లో బిజీబిజీగా ఉన్న మృణాళ్‌ పెళ్లి గురించి ఆసక్తికరమైన వ్యాఖ్యలు చేసింది. ‘పెళ్లాడాలని, అమ్మని కావాలని నాకూ ఉంది. కాబోయే భర్త, పిల్లల విషయంలో ఇప్పటికీ కలలు కంటూనే ఉన్నా. ఆ విషయంలో నాకంటూ కొన్ని ఆశలున్నాయి. అయితే.. దేనికైనా రైట్‌ టైమ్‌ రావాలి. ప్రస్తుతం నా దృష్టి అంతా కెరీర్‌ పైనే. నటిగా ఇంకా చాలా సాధించాలి. కెరీర్‌ పరంగా సంతృప్తి చెందాకే.. పెళ్లి’ అని అందంగా నవ్వేశారు మృణాళ్‌ ఠాకూర్‌.