మహాకాళి ఉగ్రరూపం

‘హనుమాన్‌' ఫేమ్‌ దర్శకుడు ప్రశాంత్‌వర్మ సినిమాటిక్‌ యూనివర్స్‌లో భాగంగా రాబోతున్న సూపర్‌హీరో చిత్రం ‘మహాకాళి’. అపర్ణ కొల్లూరు దర్శకురాలు. ఇప్పటికే యాభైశాతం చిత్రీకరణ పూర్తయింది.

‘హనుమాన్‌’ ఫేమ్‌ దర్శకుడు ప్రశాంత్‌వర్మ సినిమాటిక్‌ యూనివర్స్‌లో భాగంగా రాబోతున్న సూపర్‌హీరో చిత్రం ‘మహాకాళి’. అపర్ణ కొల్లూరు దర్శకురాలు. ఇప్పటికే యాభైశాతం చిత్రీకరణ పూర్తయింది. ఈ సినిమాలో టైటిల్‌ రోల్‌ని పోషిస్తున్న కథానాయిక వివరాలను తెలియజేస్తూ చిత్రబృందం ఆమె ఫస్ట్‌లుక్‌ను విడుదల చేసింది. ఈ సినిమాలో భూమిశెట్టి మహాకాళి పాత్రలో కనిపించనుంది.

ఇటీవల విడుదలైన ‘కింగ్డమ్‌’ చిత్రం ద్వారా భూమిశెట్టి తెలుగు ప్రేక్షకులకు చేరువైంది. దైవత్వం, కరుణ, ఆగ్రహం మూర్తీభవించిన అంశాలతో మహాకాళి డివైన్‌ ఫస్ట్‌లుక్‌ ఆకట్టుకునేలా ఉంది. కాళీమాత దుష్టశిక్షణను ఈ చిత్రంలో చూపించబోతున్నామని మేకర్స్‌ తెలిపారు. ఈ చిత్రానికి సంగీతం: స్మరణ్‌సాయి, నిర్మాత: రివాజ్‌ రమేష్‌ దుగ్గల్‌, క్రియేటర్‌: ప్రశాంత్‌వర్మ.