బంధుమిత్రుల అభినందనలతో..

దర్శకుడిగా మారిన రచయిత కావడంతో త్రివిక్రమ్‌ సినిమాల్లో అక్షరాలు లక్షణంగా వినిపిస్తుంటాయి. పానిండియా యుగంలో కూడా తెలుగుదనం గుభాళించేలా సినిమాలకు పేర్లు పెట్టడం త్రివిక్రమ్‌ శైలి. ప్రస్తుతం ఆయన వెంకటేశ్‌తో సినిమా చేస్తున్న విషయం తెలిసిందే.

దర్శకుడిగా మారిన రచయిత కావడంతో త్రివిక్రమ్‌ సినిమాల్లో అక్షరాలు లక్షణంగా వినిపిస్తుంటాయి. పానిండియా యుగంలో కూడా తెలుగుదనం గుభాళించేలా సినిమాలకు పేర్లు పెట్టడం త్రివిక్రమ్‌ శైలి. ప్రస్తుతం ఆయన వెంకటేశ్‌తో సినిమా చేస్తున్న విషయం తెలిసిందే. ఈ సినిమాకు ‘బంధుమిత్రుల అభినందనలతో..’ అనే ఓ అందమైన అచ్చతెలుగు పేరును ఖరారు చేశారట త్రివిక్రమ్‌. ప్రస్తుతం సినిమా వర్గాల్లో ఈ పేరు బాగా వినిపిస్తున్నది.

పెళ్లి పత్రికలపై తరచూ కనిపించే ఈ అక్షరాలు.. ఈ సినిమా ఎలాంటి జానర్‌లో రూపొందుతున్నదో చెప్పకనే చెబుతున్నాయి. రక్తపాతాలు లేని, బాంబులు, తుపాకుల శబ్దాలు వినిపించని క్లీన్‌ ఫ్యామిలీ ఎంటర్‌టైనర్‌గా ఈ సినిమా ఉంటుందని, ఈ సినిమాతో వెంకటేశ్‌, త్రివిక్రమ్‌ చేసే మ్యాజిక్‌ మళ్లీ కొన్నేళ్లపాటు గుర్తుండిపోతుందని చిత్రవర్గాలు చెబుతున్నాయి. శ్రీనిధిశెట్టి కథానాయికగా నటిస్తున్న ఈ చిత్రాన్ని సితార ఎంటర్‌టైన్మెంట్స్‌ పతాకంపై సూర్యదేవర నాగవంశీ, సాయిసౌజన్య నిర్మిస్తున్నారు.