Visit:
Robinhood | హిట్టు ఫ్లాప్‌ల‌తో సంబంధం లేకుండా వ‌రుస సినిమాలు చేసుకుంటూ వెళుతున్నాడు న‌టుడు నితిన్ (Nithiin). ఇప్పుడు ఆయ‌న ప్రధాన పాత్రల్లో న‌టిస్తున్న తాజా చిత్రం ‘రాబిన్హుడ్’ (Robinhood). వెంకీ కుడుముల (Venky Kudumula) ద‌ర్శక‌త్వంలో వస్తున్న ఈ చిత్రంలో ఆస్ట్రేలియా స్టార్ క్రికెట‌ర్ (Australian Cricketer) డేవిడ్ వార్నర్ (David Warner) అతిథి పాత్రలో కనిపించనున్న విషయం తెలిసిందే. ఈ నేపథ్యంలో రాబిన్హుడ్ చిత్రంలోని వార్నర్ ఫ‌స్ట్‌లుక్‌ను నిర్మాణ సంస్థ మైత్రీ మూవీ మేకర్స్ ఇవాళ విడుదల చేసింది. ‘బౌండరీ నుంచి బాక్సాఫీస్‌కు వస్తున్న వార్నర్‌కు స్వాగ‌తం’ అంటూ పోస్టర్‌ను పంచుకుంది. ప్రస్తుతం ఈ పోస్టర్‌ వైరల్‌ అవుతోంది.
భీష్మ సినిమా త‌ర్వాత నితిన్ – వెంకీ కుడుముల కాంబినేష‌న్‌లో వస్తున్న ఈ చిత్రంపై ప్రేక్షకుల‌లో భారీ అంచ‌నాలు ఉన్నాయి. శ్రీలీల కథానాయిక. ఈ సినిమా మార్చి 28న ప్రేక్షకుల ముందుకు రానుంది. విడుదల తేదీ తగ్గరపడుతుండటంతో వ‌రుస‌గా ప్రమోష‌న్స్ నిర్వహిస్తుంది చిత్రయూనిట్. ఇక ప్రమోష‌న్స్‌లో డేవిడ్ వార్నర్ కూడా పాల్గొంటాడ‌ని వెంకీ కుడుముల ఇప్పటికే ప్రకటించిన విషయం తెలిసిందే. మైత్రీ మూవీ మేకర్స్ బ్యాన‌ర్‌పై నవీన్‌ ఎర్నేని, వై.రవిశంకర్ నిర్మిస్తున్న ఈ సినిమాలో రాజేంద్రప్రసాద్‌, వెన్నెల కిషోర్ కీల‌క పాత్రల్లో న‌టిస్తున్నారు.
View this post on Instagram
Also Read..
Priyanka Chopra| మ‌హేష్‌-రాజ‌మౌళి మూవీ సెట్‌లో ప్రియాంక చోప్రా హోళి సెల‌బ్రేష‌న్స్
Chiranjeevi | పవన్ క‌ళ్యాణ్ ..నేను నీ స్పీచ్‌కి ఫుల్ ఫిదా.. చిరంజీవి కామెంట్
