నిర్మొహమాటంగా ‘నో’ చెబుతున్నా

నో చెప్పడం చేతకాని వారు జీవితంలో ఎదగలేరని ఆలస్యంగా తెలుసుకున్నాను అంటున్నది మలయాళ మందారం అనుపమ పరమేశ్వరన్‌.

నో చెప్పడం చేతకాని వారు జీవితంలో ఎదగలేరని ఆలస్యంగా తెలుసుకున్నాను అంటున్నది మలయాళ మందారం అనుపమ పరమేశ్వరన్‌. ఇటీవల ఓ ఇంటర్వ్యూలో ఆమె మాట్లాడుతూ ‘చిన్నప్పట్నుంచీ కుటుంబ బాధ్యతల్ని నెరవేర్చడమే కర్తవ్యంగా భావించా. నా వల్ల కుటుంబం ఇబ్బందులు పడకూడదనే భయమే నాలో ఎప్పుడూ ఉండేది. ఇలా చాలాకాలం నాకోసం నేను బతకడం మర్చిపోయా.

ఒత్తిడిని భరించడం వల్ల మానసిక ఆరోగ్యం పాడైంది. కొలిమిలో కాలితే తప్ప బంగారానికి వన్నె రాదంటారు. అలాగే.. నా జీవితంలో ఎదురైన కొన్ని అనుభవాలు నాలో మార్పును తెచ్చాయి. ఇప్పుడు కేవలం నాకోసం నేను బతుకుతున్నా. ఇన్నాళ్లూ ఇతరులకు ‘నో’ చెప్పలేక బాధపడ్డాను. ఇప్పుడు నిర్మొహమాటంగా ‘నో’ చెప్పేస్తున్నా. ఈ మార్పు వల్ల నా మనసిక ప్రశాంతత మెరుగుపడింది’ అంటూ చెప్పుకొచ్చింది అనుపమ పరమేశ్వరన్‌.