క్రైమ్‌ థ్రిల్లర్‌ ‘జాన్‌ సే’

అంకిత్‌, తన్వి హీరో హీరోయిన్లుగా నటిస్తున్న సినిమా ‘జాన్‌ సే’. సుమన్‌, అజయ్‌, తనికెళ్ల భరణి తదితరులు ప్రధాన పాత్రల్లో కనిపించనున్నారు

అంకిత్‌, తన్వి హీరో హీరోయిన్లుగా నటిస్తున్న సినిమా ‘జాన్‌ సే’. సుమన్‌, అజయ్‌, తనికెళ్ల భరణి తదితరులు ప్రధాన పాత్రల్లో కనిపించనున్నారు. ఎస్‌. కిరణ్‌ కుమార్‌ దర్శకుడు. ఈ సినిమా ప్రోగ్రెస్‌ను తాజాగా చిత్ర బృందం వెల్లడించింది. దర్శకుడు ఎస్‌. కిరణ్‌ కుమార్‌ మాట్లాడుతూ…‘క్రైమ్‌ థ్రిల్లర్‌ డ్రామాగా ఈ సినిమాను రూపొందిస్తున్నాం. కొత్త నటీనటులైనా ఖర్చుకు వెనకాడకుండా తెరకెక్కిస్తున్నాం. ఈ నెలాఖరుతో పూర్తయ్యే చివరి షెడ్యూల్‌తో సినిమా చిత్రీకరణ ముగుస్తుంది. నిర్మాణానంతర కార్యక్రమాలు జరిపి వీలైనంత త్వరగా సినిమాను మీ ముందుకు తీసుకొస్తాం’ అన్నారు. ఈ చిత్రానికి సినిమాటోగ్రఫీ : మోహన్‌ చారి, సంగీతం : సచిన్‌ కమల్‌.