రత్నమాల రహస్యం

పాత్రల ఎంపికలో వైవిధ్యానికి ప్రాధాన్యతనిస్తుంది కథానాయిక అంజలి. గత కొన్నేళ్లుగా ఛాలెంజింగ్‌ రోల్స్‌ ఎంచుకుంటూ సత్తా చాటుతున్నది. విశ్వక్‌సేన్‌ కథానాయకుడిగా సితార ఎంటర్‌టైన్‌మెంట్స్‌ రూపొందిస్తున్న తాజా చిత్రంలో అంజలి కీలక పాత్రలో నటిస్తున్నది.

పాత్రల ఎంపికలో వైవిధ్యానికి ప్రాధాన్యతనిస్తుంది కథానాయిక అంజలి. గత కొన్నేళ్లుగా ఛాలెంజింగ్‌ రోల్స్‌ ఎంచుకుంటూ సత్తా చాటుతున్నది. విశ్వక్‌సేన్‌ కథానాయకుడిగా సితార ఎంటర్‌టైన్‌మెంట్స్‌ రూపొందిస్తున్న తాజా చిత్రంలో అంజలి కీలక పాత్రలో నటిస్తున్నది. ఈ సినిమాకు కృష్ణచైతన్య దర్శకత్వం వహిస్తున్నారు. శుక్రవారం అంజలి జన్మదినం సందర్భంగా ఆమె ఫస్ట్‌లుక్‌ను విడుదల చేశారు. ఈ సినిమాలో రత్నమాల అనే పాత్రలో కనిపించనుంది అంజలి.

‘రత్నమాల తన వెనక దాచుకున్న రహస్యమేమిటన్నది ఆసక్తికరంగా ఉంటుంది. యాక్షన్‌ డ్రామాగా తెరకెక్కుతున్న ఈ చిత్రంలో విశ్వక్‌సేన్‌ క్రూరమైన పాత్రలో కనిపిస్తారు. ఆయన పాత్ర చిత్రణ కొత్త పంథాలో ఉంటుంది’ అని చిత్రబృందం పేర్కొంది. ఈ చిత్రానికి కెమెరా: అనిత్‌ మదాది, సంగీతం: యువన్‌శంకర్‌ రాజా, నిర్మాతలు: సూర్యదేవర నాగవంశీ, సాయిసౌజన్య, దర్శకత్వం: కృష్ణచైతన్య.