Allu Sirish | సగటు ప్రేక్షకునికి చేరువగా బడ్డీ

అల్లు శిరీష్‌ హీరోగా రూపొందిన ‘బడ్డీ’ సినిమా ఆగస్ట్‌ 2న ప్రపంచవ్యాప్తంగా విడుదల కానుంది.

అల్లు శిరీష్‌ హీరోగా రూపొందిన ‘బడ్డీ’ సినిమా ఆగస్ట్‌ 2న ప్రపంచవ్యాప్తంగా విడుదల కానుంది. గాయత్రి భరద్వాజ్‌, ప్రిషా రాజేశ్‌సింగ్‌ కథానాయికలు. శామ్‌ ఆంటోన్‌ దర్శకుడు. స్టూడియోగ్రీన్‌ ఫిల్మ్స్‌ పతాకంపై కేఈ జ్ఞానవేల్‌ రాజా , ఆధన జ్ఞానవేల్‌ రాజా ఈ చిత్రాన్ని నిర్మించారు. ఇదిలావుంటే.. ఈ చిత్రం టికెట్‌ రేట్లను తగ్గిస్తున్నట్లు మేకర్స్‌ సోమవారం ప్రకటించారు.

సింగిల్‌ స్క్రీన్స్‌లో బాల్కనీ 99 రూపాయలు, మల్టీప్లెక్స్‌లో 125 రూపాయలు మాత్రమే టికెట్స్‌ ఉంటాయని వారు చెప్పారు. మరింత మంది ప్రేక్షకులకు చేరువ చేయడానికే ఈ ప్రయత్నమని నిర్మాతలు తెలిపారు. అజ్మల్‌ అమీర్‌, ముఖేష్‌కుమార్‌, అలీ తదితరులు ఇతర పాత్రలు పోషించిన ఈ చిత్రానికి కెమెరా: కృష్ణన్‌ వసంత్‌, సంగీతం: హిప్‌ హాప్‌ తమిళ.