స్టైలిష్ స్టార్ అల్లు అర్జున్ తన ప్రతి సినిమాలో నటనతోనే కాకుండా డ్యాన్స్తోను ఎంతగా ఆకట్టుకుంటాడో ప్రత్యేకంగా చెప్పనక్కర్లేదు. ‘దువ్వాడ జగన్నాథం’ చిత్రంలో దేవిశ్రీప్రసాద్ స్వరపరచిన ‘సీటీమార్..’ పాటకు బన్నీ వేసిన స్టెప్స్ అభిమానులకు పూనకం వచ్చేలా చేశాయి. పాట కూడా సంగీతప్రియుల్ని ఆకట్టుకుంది. ఈ పాటను సల్మాన్ఖాన్ నటిస్తోన్న ‘రాధే’ కోసం దేవిశ్రీప్రసాద్ రీమిక్స్ చేశారు. కొద్ది సేపటి క్రితం హిందీ పాట విడుదలైంది. ఇందులో సల్మాన్ ఖాన్ తనదైన స్టైల్లో నర్తించారు. ‘డీజే’లోని ‘సీటీమార్..’ పాట నచ్చడంతో తన సినిమా కోసం ఈ పాటను స్వరపరచమని సల్మాన్ఖాన్ స్వయంగా దేవిశ్రీప్రసాద్ను అడిగినట్లు తెలిసింది. ‘రాధే’ సినిమాకు ఈ
ఇక సల్మాన్ ఖాన్ తన ట్విట్టర్ ద్వారా అల్లు అర్జున్కు కృతజ్ఞతలు తెలిపారు. ఈ సాంగ్లో మీ పర్ఫార్మెన్స్ ఎంతగానో నచ్చింది. డ్యాన్స్, స్టైల్ అదిరిపోయాయి. మీరు, మీ కుటుంబ సభ్యులు క్షేమంగా ఉండండి.లవ్ యూ బ్రదర్ అని సల్మాన్ తన ట్వీట్లో పేర్కొన్నారు. ఇక సల్మాన్ ట్వీట్కు స్పందించిన అల్లు అర్జున్.. మీ నుండి కాంప్లిమెంట్ అందుకున్నందుకు ఆనందంగా ఉంది. థ్యాంక్యూ సల్మాన్ గారు. రాధే స్క్రీన్స్పైన మ్యాజిక్ చేసి అభిమానులకు మీకు సీటీమార్ వేయాలని మనస్పూర్తిగా కోరుకుంటున్నాను. మీ ప్రేమకు ధన్యవాదాలు అని తన ట్వీట్లో పేర్కొన్నాడు. దిశా పటాని, రణదీప్ హుడా, జాకీ ష్రాఫ్ తదితరులు నటించిన ‘రాధే: యువర్ మోస్ట్ వాంటెడ్ భాయ్’ చిత్రాన్ని రీల్ లైఫ్ ప్రొడక్షన్స్, సోహైల్ ఖాన్ ప్రొడక్షన్స్, సల్మాన్ ఖాన్ ఫిల్మ్స్ సంయుక్తంగా నిర్మించాయి.
Thank you soo much Salman garu . It’s a pleasure to receive a compliment from you . It’s such a sweet gesture. Looking forward for the RADHE magic on screens with fans doing SEETI MAAR for you . Thank you for your love . 🖤AA
— Allu Arjun (@alluarjun) April 26, 2021