69th National Film Awards | నేషనల్ అవార్డు అందుకున్న అల్లు అర్జున్‌.. తొలి తెలుగు హీరోగా చరిత్ర సృష్టించిన బన్నీ..!

69th National Film Awards | 69వ నేషనల్ అవార్డుల వేడుక న్యూఢిల్లీలోని విజ్ఞాన్ భవన్‌లో అంగరంగ వైభవంగా జరుగుతుంది. ఇన్నాళ్లు అందని ద్రాక్షలాగా మారిపోయిన బెస్ట్‌ యాక్టర్‌ అవార్డును అల్లు అర్జున్ అందుకున్నాడు.

69th National Film Awards | 69వ నేషనల్ అవార్డుల వేడుక న్యూఢిల్లీలోని విజ్ఞాన్ భవన్‌లో అంగరంగ వైభవంగా జరుగుతుంది. ఇన్నాళ్లు అందని ద్రాక్షలాగా మారిపోయిన బెస్ట్‌ యాక్టర్‌ అవార్డును అల్లు అర్జున్ అందుకున్నాడు. దశాబ్దాల చరిత్ర కలిగిన తెలుగు సినిమాలో ఇప్పటివరకు మహామహులే సాధించలేని అరుధైన ఘనతను అల్లు అర్జున్ సాధించి సంచలనం సృష్టించాడు. ఇక అల్లు అర్జున్‌ అవార్డు తీసుకుంటున్న వీడియో ప్రస్తుతం సోషల్ మీడియాను ఊపేస్తుంది.

#WATCH | Allu Arjun receives the Best Actor Award for 'Pushpa: The Rise', at the National Film Awards. pic.twitter.com/FemqdiV41y

— ANI (@ANI) October 17, 2023

ఈ అవార్డు ఫంక్షన్‌లో ముందుగా నిర్మాత నవీన్‌ ఎర్నేని, దర్శకుడు బుచ్చిబాబు సనాలు ఉప్పెన సినిమాకు గానూ జాతీయ అవార్డులు అందుకున్నారు. అనంతరం బెస్ట్‌ యాక్షన్‌ డైరెక్టర్‌గా కింగ్‌ సోలోమాన్‌ ఆర్‌ఆర్‌ఆర్ సినిమాకు అవార్డును అందుకున్నాడు. ఆ తర్వాత ఉత్తమ కొరియోగ్రాఫర్‌గా నాటు నాటు పాటకు ప్రేమ్ రక్షిత్, ఉత్తమ నేపథ్య సంగీత దర్శకుడిగా ఎమ్‌.ఎమ్‌. కీరవాణి(ఆర్‌ఆర్‌ఆర్‌), ఉత్తమ సింగర్‌గా కాల భైరవ(ఆర్‌ఆర్‌ఆర్‌), ఉత్తమ గేయ రచయితగా చంద్రబోస్‌(కొండపొలం), ఉత్తమ వీఎఫ్‌ఎక్స్‌కు గానూ శ్రీనివాస్‌ మోహన్(ఆర్‌ఆర్‌ఆర్‌) అవార్డులు అందుకున్నారు.

అన్ని వర్గాలను అలరించిన వినోదాత్మక చిత్రంగా ఆర్‌ఆర్‌ఆర్‌కు గానూ రాజమౌళి 69వ నేషనల్ అవార్డును అందుకున్నాడు. ఇక ఉత్తమ సంగీత దర్శకుడిగా దేవి శ్రీ ప్రసాద్ పుష్ప సినిమాకు గానూ అవార్డును అందుకున్నాడు.