Akshay Kumar | షాకింగ్‌ నిర్ణయం.. ఆ దేశ పౌరసత్వాన్ని వదులుకున్న స్టార్‌ నటుడు..!

Akshay Kumar | బాలీవుడ్‌ (Bollywood) స్టార్‌ నటుడు అక్షయ్‌ కుమార్‌ భారత్‌తోపాటు కెనడా పౌరసత్వం (Canadian citizenship) కూడా కలిగి ఉన్న విషయం తెలిసిందే. అయితే... కెనడా పౌరసత్వాన్ని వదులుకుంటున్నట్లు ఆయన షాకింగ్‌ విషయం చెప్పారు.

Akshay Kumar | బాలీవుడ్‌ (Bollywood) స్టార్‌ నటుడు అక్షయ్‌ కుమార్‌ (Akshay Kumar) గురించి ప్రత్యేక పరిచయం అక్కర్లేదు. జయాపజయాలతో సంబంధం లేకుండా వరుస సినిమాలు చేస్తూ దూసుకెళ్తున్నాడు. అయితే, అక్షయ్‌.. భారత్‌తోపాటు కెనడా పౌరసత్వం (Canadian citizenship) కూడా కలిగి ఉన్న విషయం తెలిసిందే. ఈ విషయమై గత కొన్ని రోజులుగా నటుడిపై తీవ్ర స్థాయిలో విమర్శలు వస్తున్నాయి. దీనిపై తాజాగా అక్షయ్‌ స్పందించారు. తాను భారతీయుడినని.. తనకు సర్వం భారత దేశమేనని స్పష్టం చేశారు. కెనడా పౌరసత్వం (Canadian citizenship) తీసుకోవడానికి గల కారణాన్ని వెల్లడించారు.

‘ఇండియానే నాకు సర్వస్వం. నేను ఏం సంపాదించినా.. సాధించినా అన్నీ ఇక్కడి నుంచే. ఇప్పుడు మాతృభూమి రుణం తీర్చుకునే అవకాశం లభించడం అదృష్టంగా భావిస్తాను. కానీ ఏం తెలియకుండా కొందరు మాట్లాడే మాటలు చాలా బాధిస్తాయి’ అని అన్నారు. ఈ సందర్భంగా తాను కెనడా పౌరసత్వాన్ని (Canadian citizenship) వదులుకుంటున్నట్లు షాకింగ్ ప్రకటన చేశారు.

కెనడా పౌరసత్వం తీసుకోడానికి కారణం గురించి అక్షయ్‌ మాట్లాడుతూ.. ‘నాకు హిందీలో సినిమాలు వర్కౌట్ కావట్లేదు. వేరే ఇంకేదైన పని చేసుకోవాలి అనిపించింది. నా ఫ్రెండ్ ఒకరు కెనడాలో ఉన్నారు. నాగురించి తెలిసి నన్ను అక్కడకి రమ్మన్నారు. అంతే.. అక్కడికి వెళ్లాను. పౌరసత్వానికి అప్లై చేసుకున్నాను. ఆ సమయంలో రెండు సినిమాలు మాత్రమే విడుదల కావాల్సి ఉంది. అదృష్టం కొద్దీ విడుదలైన రెండు సినిమాలు సూపర్‌ హిట్‌ అయ్యాయి. దీంతో మరికొన్ని సినిమా ఆఫర్లు వచ్చాయి. దీంతో నా ఫ్రెండ్‌ ‘వెళ్లు మళ్లీ నీ పని మొదలు పెట్టు’ అని సలహా ఇచ్చాడు. దీంతో నేను మళ్లీ తిరిగి ఇండియా వచ్చాను. ఇప్పుడు నా కెనడా పాస్‌పోర్ట్‌ను కూడా మార్చుకోడానికి దరఖాస్తు చేసుకున్నా’ అని అక్షయ్‌ కుమార్‌ వివరించారు.

Also Read..

Mahesh babu | త్రివిక్రమ్‌, మహేశ్‌బాబు మూవీ ఫస్ట్‌ లుక్‌ వచ్చేది అప్పుడే!

Janhvi Kapoor | టాలీవుడ్‌ ఎంట్రీ కోసం జాన్వీ కపూర్‌ అన్ని కోట్లు అడుగుతుందా?

Pathaan Collections | బాక్సాఫీస్‌ దగ్గర షారుఖ్‌ ప్రభంజనం.. 1000 కోట్ల క్లబ్‌లో పఠాన్‌

గుడ్‌ మార్నింగ్‌ అమెరికా షోలో రామ్‌చరణ్‌