Akkineni Nagarjuna | ఎన్‌ కన్వెన్షన్‌ కూల్చివేత.. హైకోర్టును ఆశ్ర‌యించిన నాగార్జున‌

Akkineni Nagarjuna - N Convention | మాదాపూర్‌లోని ఎన్‌ కన్వెన్షన్‌ కూల్చివేతపై హీరో నాగార్జున (Nagarjuna) తెలంగాణ హైకోర్టును ఆశ్ర‌యించారు.

Akkineni Nagarjuna – N Convention | మాదాపూర్‌లోని ఎన్‌ కన్వెన్షన్‌ కూల్చివేతపై హీరో నాగార్జున (Nagarjuna) తెలంగాణ హైకోర్టును ఆశ్ర‌యించారు. కోర్టులో స్టే ఆర్డర్ ఉన్న కూడా ఎలాంటి నోటీసులు ఇవ్వకుండానే కూల్చివేశారంటూ నాగార్జున త‌రుపున న్యాయ‌వాది హైకోర్టులో పిటిష‌న్ దాఖ‌లు చేశారు. అయితే ఈ పిటిష‌న్‌ను విచారించిన హైకోర్టు ఎన్ కన్వెన్షన్ కూల్చివేతలు ఆపాలని మధ్యంతర ఉత్తర్వులు జారీ చేసింది. 200 మంది పోలీసుల బందోబస్తు ఏర్పాటు చేసి ఎలాంటి నోటీసులు ఇవ్వకుండా కూల్చివేతలు అక్రమంగా చేపట్టార‌ని హైకోర్టు తెలిపింది.

మ‌రోవైపు ఎన్ క‌న్వెన్ష‌న్ కూల్చివేత‌పై నాగార్జున సోష‌ల్ మీడియా వేదిక‌గా స్పందించారు. స్టే ఆర్డర్‌లు మరియు కోర్టు కేసులకు విరుద్ధంగా ఎన్ కన్వెన్షన్‌కు సంబంధించి కూల్చివేతలు చేపట్టడం బాధాకరం. మా ప్రతిష్టను కాపాడటం కోసం, కొన్ని వాస్తవాలను తెలియజేయడం కోసం మరియు చట్టాన్ని ఉల్లంఘించేలా మేము ఎటువంటి చర్యలు చేపట్టలేదని తెలుపుట కొరకు ఈ ప్రకటనను జారీ చేయడం సరైనదని నేను భావించాను. ఆ భూమి పట్టా భూమి. ఒక్క అంగుళం ట్యాంక్ ప్లాన్ కూడా ఆక్రమణకు గురికాలేదు. ప్రైవేట్ స్థలంలో నిర్మించిన భవనమిది. కూల్చివేత కోసం గతంలో ఇచ్చిన అక్రమ నోటీసుపై స్టే కూడా మంజూరు చేయబడింది. స్పష్టంగా చెప్పాలంటే, కూల్చివేత తప్పుడు సమాచారంతో లేదా చట్ట విరుద్ధంగా జరిగింది.

ఈరోజు ఉదయం కూల్చివేతకు ముందు మాకు ఎలాంటి నోటీసు జారీ చేయలేదు. కేసు కోర్టులో ఉన్నప్పుడు ఇలా చేయడం సరికాదు. చట్టాన్ని గౌరవించే పౌరుడిగా, కోర్టు నాకు వ్యతిరేకంగా తీర్పునిస్తే, కూల్చివేత నేనే నిర్వహించి ఉండేవాడిని. తాజా పరిణామాల వల్ల, మేము ఆక్రమణలు చేశామని, తప్పుడు నిర్మాణాలు చేపట్టామని ప్రజలకు తప్పుడు సంకేతాలు వెళ్ళే అవకాశముంది. ఆ అభిప్రాయాన్ని పోగొట్టాలనేదే మా ప్రధాన ఉద్దేశం. అధికారులు చేసిన ఈ చట్ట విరుద్ధ చర్యలకు వ్యతిరేకంగా మేము న్యాయస్థానాన్ని ఆశ్రయిస్తాం. అక్కడ మాకు న్యాయం జరుగుతుందని ఆశిస్తున్నాను. అంటూ ఎక్స్ వేదిక‌గా రాసుకోచ్చాడు.

స్టే ఆర్డర్‌లు మరియు కోర్టు కేసులకు విరుద్ధంగా ఎన్ కన్వెన్షన్‌కు సంబంధించి కూల్చివేతలు చేపట్టడం బాధాకరం. మా ప్రతిష్టను కాపాడటం కోసం, కొన్ని వాస్తవాలను తెలియజేయడం కోసం మరియు చట్టాన్ని ఉల్లంఘించేలా మేము ఎటువంటి చర్యలు చేపట్టలేదని తెలుపుట కొరకు ఈ ప్రకటనను జారీ చేయడం సరైనదని నేను…

— Nagarjuna Akkineni (@iamnagarjuna) August 24, 2024

Also Read.. 

• Raviteja | ఆస్పత్రి నుంచి డిశ్చార్జ్ అయిన న‌టుడు రవితేజ
• సీఎం రేవంత్‌ రెడ్డిపై యాదగిరిగుట్ట, భువనగిరి పీఎస్‌లో బీఆర్‌ఎస్‌ ఫిర్యాదు
• NRI Shot | అమెరికా నుంచి వచ్చిన ఎన్నారైపై అతడి ఇంట్లో కాల్పులు.. వీడియో వైరల్‌