Akhanda | అఖండ ప్ర‌భంజ‌నం..పుష్ప‌, ఆర్ఆర్ఆర్‌కు క‌లిసొస్తుందా..?

థ‌మ‌న్ (S Thaman) అందించిన బ్యాక్ గ్రౌండ్ స్కోర్‌, మ్యూజిక్ అఖండ (AKhanda) సినిమా రేంజ్‌ను ఆకాశానికెత్తేశాయి. సెకండ్ పార్టులో వ‌చ్చే బీజీఎం, బ్యాక్ గ్రౌండ్ స్కోర్ గూస్ బంప్స్ తెప్పించ‌డం ఖాయం.

December 3, 2021 / 08:21 PM IST

Akhanda | అఖండ ప్ర‌భంజ‌నం..పుష్ప‌, ఆర్ఆర్ఆర్‌కు క‌లిసొస్తుందా..?

బాల‌కృష్ణ (Balakrishna), బోయ‌పాటి శీను (Boyapati srinu) కాంబినేష‌న్‌లో వ‌చ్చిన చిత్రం అఖండ (AKhanda). విడుద‌లైన అన్ని సెంట‌ర్ల‌లో సూప‌ర్ హిట్ టాక్‌తో దూసుకెళ్తోంది. ఎస్ థ‌మ‌న్ (S Thaman) అందించిన బ్యాక్ గ్రౌండ్ స్కోర్‌, మ్యూజిక్ సినిమాను రేంజ్‌ను ఆకాశానికెత్తేశాయి. సెకండ్ పార్టులో వ‌చ్చే బీజీఎం, బ్యాక్ గ్రౌండ్ స్కోర్ గూస్ బంప్స్ తెప్పించ‌డం ఖాయం. బాక్సాపీస్ వ‌ద్ద మంచి ఓపెనింగ్స్ రాబడుతూ సినిమా థియేట‌ర్ల‌కు మంచి రోజులొచ్చాయ‌నే సంకేతాలిస్తోంది అఖండ‌. ఇక ఈ సినిమాకు వ‌స్తున్న రెస్పాన్స్ తో భారీ బ‌డ్జెట్ సినిమాల్లో మ‌రింత జోష్ నింపుతోంద‌ని ప‌లువురు ట్రేడ్ పండితులు అభిప్రాయ‌ప‌డుతున్నారు.

పెద్ద చిత్రాల్లో ప్ర‌ధానంగా పుష్ప (Pushpa), ఆర్ఆర్ఆర్ (RRR) ఉన్నాయి. పుష్ప ఈ నెల 17న విడుద‌ల కానుండ‌గా..ఆర్ఆర్ఆర్ 20 రోజుల త‌ర్వాత రిలీజ్ కానుంది. మాస్ ఎంట‌ర్ టైన‌ర్ గా వ‌చ్చిన అఖండ ప్ర‌భంజ‌నం సృష్టించ‌డం ప‌క్కా అని తెలుస్తోండ‌గా..పుష్ప‌, ఆర్ఆర్ఆర్ సినిమాల‌కు కూడా ప్రేక్ష‌కులు భారీగానే త‌ర‌లివ‌స్తార‌ని భావిస్తున్నార‌ట మేక‌ర్స్. సెకండ్ లాక్‌డౌన్ త‌ర్వాత లవ్‌స్టోరీ సినిమా ఒక్క‌టే హౌస్‌ఫుల్‌గా మంచి టాక్‌తో న‌డించింది. ఆ త‌ర్వాత థియేట‌ర్ల‌కు మాత్రం ప్రేక్ష‌కులు అంతంత మాత్రంగానే వెళ్తున్నారు.

చాలా రోజుల త‌ర్వాత ఇపుడు అఖండ చిత్రానికి ఆడియెన్స్ తాకిడి పెరుగుతుండ‌టంతో రాబోయే రోజుల్లో కూడా ఇలాగే థియేట‌ర్ల‌లో సంద‌డి ఉంటుంద‌ని బ‌డా నిర్మాత‌లు ఆశాభావం వ్య‌క్తం చేస్తున్న‌ట్టు టాక్ న‌డుస్తోంది. మ‌రి అఖండ థియేట‌ర్ల‌ను మ‌ళ్లీ గాడిలో ప‌డేస్తుందా..? లేదా అనేది చూడాలి.