Agent | టాలీవుడ్ యువ హీరో అఖిల్ అక్కినేని (Akhil Akkineni) నటిస్తోన్న యాక్షన్ ఎంటర్టైనర్ ఏజెంట్ (Agent). సురేందర్ రెడ్డి (Surenderreddy) డైరెక్ట్ చేస్తున్న ఈ చిత్రాన్ని అనిల్ సుంకర ఏకే ఎంటర్టైన్మెంట్స్ బ్యానర్పై సురేందర్ 2 సినిమాతో కలిసి నిర్మిస్తున్నారు. ఏప్రిల్ 28న ప్రపంచవ్యాప్తంగా తెలుగు, మలయాళంతోపాటు పలు భాషల్లో గ్రాండ్గా విడుదల కానుంది. ప్రమోషన్స్ లో భాగంగా నిర్మాత అనిల్ సుంకర (Anil Sunkara) ఏజెంట్ సినిమా విశేషాలను అందరితో పంచుకున్నారు. ఏజెంట్ విశేషాలు ఆయన మాటల్లోనే..
ఏజెంట్ రిలీజవుతుండటం ఎక్జయిటింగ్గా ఉందా..? నర్వస్గా ఫీలవుతున్నారా..?
నిజాయితీగా చెప్పాలంటే.. నా మీద చాలా ఒత్తిడి ఉంది. ఇది సినిమా ఫలితం వల్ల కాదు. గత 30 రోజులు సినిమా కోసం పని చేసిన ప్రతీ ఒక్కరూ రాత్రి, పగలూ కష్టపడుతున్నారు. సినిమాలో సీజీ వర్క్ ఎక్కువగా ఉంటుంది. ఇంకా వర్క్ నడుస్తూనే ఉంది.
ఏజెంట్ టార్గెట్ చేరుకుంటాడని నమ్మకముందా..?
ప్రపంచం మొత్తంలో ఎవరూ అలా చెప్పలేరు. నేను ఈ సినిమా అఖిల్ కెరీర్లో కొత్త స్టాండర్డ్ని సెట్ చేస్తుందని మాత్రం చెప్పగలను. అఖిల్ కెరీర్ ఏజెంట్కి ముందు ఏజెంట్ తర్వాత అని మాట్లాడుకుంటారని మాత్రం చెప్పగలను.
ఏజెంట్లో ఫన్నీ ఎలిమెంట్స్ ఉంటాయా..?
అఖిల్ పాత్ర వినోదాత్మకంగా ఉంటుంది. హీరో చేసే పనిని చాలా బాగా ఎంజాయ్ చేస్తుంటాడు. ఆ పాత్రకు జాకీ చాన్తో ఎలాంటి కనెక్షన్ ఉండదు. కానీ చమత్కారమైన కామెడీ ఉంటుంది.
సినిమా మొదలుపెట్టే ముందు హీరో మార్కెట్ గురించి ఆలోచిస్తారా..?
ఇది సాధారణంగా కమర్షియల్ సినిమా. కాబట్టి కొన్ని లెక్కలుంటాయి. కానీ సినిమాను ఎవరు డైరెక్ట్ చేస్తున్నారనే దానిపై కూడా ఆధారపడి ఉంటుంది. ఏజెంట్ విషయానికొస్తే మేం ఊహించిన దాని కంటే ఎక్కువ బిజినెస్ చేశాం.
పెద్ద సినిమాలు..చిన్న సినిమాలు.. వీటిలో ఏవి సౌకర్యంగా అనిపిస్తాయి..?
ఇది పరిస్థితిపై ఆధారపడి ఉంటుంది. ఇప్పుడు భారీ బడ్జెట్ సినిమా చేయడం మంచిది. ఒకవేళ భారీ బడ్జెట్ సినిమా అయితే.. ఆ సినిమా హిట్టయితే బ్రాండ్ వాల్యూ అమాంతం పెరిగిపోతుంది. ఆర్థికంగా చూస్తే చిన్ని సినిమాల్లో రిస్క్ చాలా తక్కువగా ఉంటుంది. చిన్ని సినిమాలు, పెద్ద సినిమాల విషయంలో వేటి లాభనష్టాలు వాటికుంటాయి.
Ustaad Bhagat Singh | పవన్ కల్యాణ్ ఉస్తాద్ భగత్ సింగ్ నయా అప్డేట్
VS 11 | కోరమీసంతో విశ్వక్ సేన్.. కొత్త సినిమా VS 11 లాంఛ్
Samantha | సమంతకు సరికొత్త కానుక సిద్ధం చేసిన అభిమాని.. ఏకంగా ఇంట్లోనే గుడి