పకృతి నేపథ్య కథాంశంతో..

ఆదిత్య ఓం హీరోగా నటిస్తున్న తాజా చిత్రం ‘బందీ’. తిరుమల రఘు దర్శకత్వం వహిస్తున్నారు. ప్రకృతి, పర్యావరణ పరిరక్షణ నేపథ్య కథాంశంతో రూపొందిస్తున్నారు.

ఆదిత్య ఓం హీరోగా నటిస్తున్న తాజా చిత్రం ‘బందీ’. తిరుమల రఘు దర్శకత్వం వహిస్తున్నారు. ప్రకృతి, పర్యావరణ పరిరక్షణ నేపథ్య కథాంశంతో రూపొందిస్తున్నారు. గురువారం టీజర్‌ను విడుదల చేశారు. ఈ సందర్భంగా చిత్ర దర్శకనిర్మాత రఘు తిరుమల మాట్లాడుతూ ‘కేవలం ఒకే ఒక్క పాత్రతో ఈ సినిమా చేశాం. హీరో ఆదిత్య వర్మ అనే పాత్రలో కనిపిస్తాడు.

ప్రకృతిని నాశనం చేస్తున్న కార్పొరేట్‌ కంపెనీలకు దన్నుగా నిలిచే లీగల్‌ అడ్వైజర్‌ అయిన ఆదిత్యవర్మను ఓ అడవిలో వదిలేస్తే ఏం జరిగింది? అతను తన తప్పులను తెలుసుకొని ప్రకృతి నుంచి ఏం నేర్చుకున్నాడన్నదే ఈ చిత్ర కథాంశం. చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి’ అన్నారు. ఈ చిత్రానికి సంగీతం: వీరల్‌, లవన్‌, సుదేష్‌ సావంత్‌, నిర్మాతలు: వెంకటేశ్వరావు దగ్గు, రఘు తిరుమల.