Actress | మగాళ్ల‌ని కుక్క‌ల‌తో పోల్చిన న‌టి… సోషల్ మీడియా పోస్ట్‌పై తీవ్ర విమర్శలు

Actress |  ఇటీవల కాలంలో సినీ సెలబ్రిటీలు చేసే వ్యాఖ్యలు తరచూ వివాదాలకు దారి తీస్తున్నాయి. సినిమాల కంటే సోషల్ మీడియా పోస్టులు, అభిప్రాయాల వల్లే కొంతమంది సెలబ్రిటీలు ఎక్కువగా వార్తల్లో నిలుస్తున్నారు. ముఖ్యంగా సున్నితమైన సామాజిక అంశాలపై చేసిన వ్యాఖ్యలకు నెటిజన్లు తీవ్రంగా స్పందిస్తూ ట్రోల్స్‌తో విరుచుకుపడుతున్నారు.

Actress |  ఇటీవల కాలంలో సినీ సెలబ్రిటీలు చేసే వ్యాఖ్యలు తరచూ వివాదాలకు దారి తీస్తున్నాయి. సినిమాల కంటే సోషల్ మీడియా పోస్టులు, అభిప్రాయాల వల్లే కొంతమంది సెలబ్రిటీలు ఎక్కువగా వార్తల్లో నిలుస్తున్నారు. ముఖ్యంగా సున్నితమైన సామాజిక అంశాలపై చేసిన వ్యాఖ్యలకు నెటిజన్లు తీవ్రంగా స్పందిస్తూ ట్రోల్స్‌తో విరుచుకుపడుతున్నారు. ఈ క్రమంలో తాజాగా ఓ హీరోయిన్ చేసిన వ్యాఖ్యలు సోషల్ మీడియాలో హాట్ టాపిక్‌గా మారాయి. కన్నడ చిత్ర పరిశ్రమలో హీరోయిన్‌గా మంచి గుర్తింపు తెచ్చుకున్న రమ్య తాజాగా చేసిన ఓ సోషల్ మీడియా పోస్ట్ తీవ్ర చర్చకు దారి తీసింది. కన్నడతో పాటు తెలుగు, తమిళ సినిమాల్లోనూ నటించిన రమ్య, కళ్యాణ్ రామ్ నటించిన ‘అభిమన్యు’, సూర్య నటించిన ‘సూర్య సన్ ఆఫ్ కృష్ణన్’ వంటి చిత్రాలతో ప్రేక్షకులకు దగ్గరయ్యారు.

సినిమాల తర్వాత రాజకీయాల్లోకి అడుగుపెట్టిన ఆమె, సామాజిక అంశాలపై తరచూ తన అభిప్రాయాలను సోషల్ మీడియా వేదికగా వెల్లడిస్తూ ఉంటారు. ఇటీవల వీధి కుక్కల విషయంలో సుప్రీంకోర్టు ఇచ్చిన తీర్పుపై స్పందిస్తూ రమ్య చేసిన వ్యాఖ్యలు వివాదాస్పదంగా మారాయి. వీధి కుక్కల ప్రవర్తన ముందుగా అంచనా వేయలేమన్న అంశంపై కోర్టు చేసిన వ్యాఖ్యలను ప్రస్తావిస్తూ, ఆమె పురుషుల ప్రవర్తనని పోల్చిన తీరు నెటిజన్ల ఆగ్రహానికి కారణమైంది. ఈ వ్యాఖ్యలు వైరల్ కావడంతో సోషల్ మీడియాలో పెద్ద ఎత్తున స్పందనలు వెల్లువెత్తాయి.

చాలా మంది నెటిజన్లు ఈ పోలిక సరికాదని, మొత్తం ఒక వర్గాన్ని ఇలా అన‌డం తగదని విమర్శిస్తున్నారు. మరోవైపు కొందరు ఆమె అభిప్రాయం వెనుక ఉన్న భావనను అర్థం చేసుకోవాలని వ్యాఖ్యానిస్తున్నా, ఎక్కువగా నెగటివ్ రియాక్షన్‌నే కనిపిస్తోంది. ఇది కొత్తేమీ కాదని, గతంలోనూ రమ్య చేసిన కొన్ని వ్యాఖ్యలు ఇలాగే వివాదాలకు దారి తీసిన సందర్భాలు ఉన్నాయని నెటిజన్లు గుర్తు చేస్తున్నారు. మొత్తానికి సెలబ్రిటీలు చేసే వ్యాఖ్యలు ఎంత ప్రభావం చూపుతాయో మరోసారి ఈ ఘటన చర్చకు తెచ్చింది. ముఖ్యంగా సోషల్ మీడియా యుగంలో ప్రతి మాటకు విస్తృత స్థాయిలో స్పందన వస్తున్న నేపథ్యంలో, ప్రజాప్రతినిధులు, సినీ ప్రముఖులు తమ అభిప్రాయాలను మరింత జాగ్రత్తగా వ్యక్తపరచాల్సిన అవసరం ఉందన్న అభిప్రాయం వినిపిస్తోంది.