Actor Vijay | విజ‌య్ ద‌ర్శ‌కులు ఓటు వేయలేదా .. నెట్టింట న‌డుస్తున్న ట్రోలింగ్

Actor Vijay | తమిళనాడులో గ‌తంలో మాదిరిగానే ఈ సారి ఎన్నిక‌లు కూడా సినిమాలు, రాజ‌కీయం చుట్టూ తిరిగాయి.విజ‌య్ ఈ సారి అసెంబ్లీ బ‌రిలో పోటీకి దిగ‌డం, ఆయ‌న‌తో సినిమాలు తెర‌కెక్కించిన లోకేష్ క‌న‌గ‌రాజ్, నెల్స‌న్ దిలీప్ కుమార్ పోలింగ్ రోజు కనిపించకపోవడం సోషల్ మీడియాలో పెద్ద చర్చకు దారితీసింది.

Actor Vijay | తమిళనాడులో గ‌తంలో మాదిరిగానే ఈ సారి ఎన్నిక‌లు కూడా సినిమాలు, రాజ‌కీయం చుట్టూ తిరిగాయి.విజ‌య్ ఈ సారి అసెంబ్లీ బ‌రిలో పోటీకి దిగ‌డం, ఆయ‌న‌తో సినిమాలు తెర‌కెక్కించిన లోకేష్ క‌న‌గ‌రాజ్, నెల్స‌న్ దిలీప్ కుమార్ పోలింగ్ రోజు కనిపించకపోవడం సోషల్ మీడియాలో పెద్ద చర్చకు దారితీసింది. ముఖ్యంగా వీరిద్దరూ విజ‌య్ నటించిన “జన నాయగ‌న్” సినిమాలో భాగమవ్వడం ఈ వివాదాన్ని మరింత పెంచింది. ఈ సినిమా రాజకీయ చైతన్యం, ప్రజా శక్తి వంటి అంశాలను ప్రస్తావిస్తుంది.ఇక ఇందులో భాగమైన దర్శకులు ఓటు హక్కును వినియోగించకపోవడంపై నెటిజన్లు విమర్శలు గుప్పిస్తున్నారు. “చెప్పేదానికి, చేసేదానికి పొంతన ఉందా?” అనే ప్రశ్నలు సోషల్ మీడియాలో వైరల్ అవుతున్నాయి. కొందరు “మాటల్లో చెప్పేది, చేతల్లో చూపించాలి” అంటూ విమర్శిస్తుండగా, మరికొందరు ఇది అనవసరంగా పెద్దదిగా చేస్తున్న విషయమని అభిప్రాయపడుతున్నారు.

అయితే ఈ విమర్శలపై ఇప్పటివరకు లోకేష్ కనగరాజ్, నెల్సన్ దిలీప్‌కుమార్ ఎవరూ అధికారికంగా స్పందించలేదు. వారి సన్నిహిత వర్గాల సమాచారం ప్రకారం, వృత్తిపరమైన పనులు, ప్రయాణాల కారణంగా వారు ఓటు వేయలేకపోయి ఉండొచ్చని తెలుస్తోంది. ప్రస్తుతం లోకేష్ కనగరాజ్ కొత్త సినిమా పనుల్లో నిమగ్నమై ఉండగా, నెల్సన్ తన తదుపరి చిత్రం పనులతో బిజీగా ఉన్నట్లు సమాచారం.ఇదిలా ఉండగా, “జన నాయగ‌న్” సినిమా ఇప్పటికే ఆన్‌లైన్ లీక్ సమస్యలతో ఇబ్బందులు ఎదుర్కొంటున్న నేపథ్యంలో, ఈ వివాదం మరోసారి ఆ చిత్రాన్ని వార్తల్లోకి తీసుకువచ్చింది. కొందరు ఈ అంశాన్ని అవసరానికి మించి పెంచుతున్నారని అభిప్రాయపడుతుండగా, మరోవైపు ప్రజలకు ఆదర్శంగా ఉండాల్సిన ప్రముఖులు ఇలాంటి ప్రజాస్వామ్య బాధ్యతల్లో ముందుండాలని వాదనలు వినిపిస్తున్నాయి.

ఈ ఎన్నికల్లో తమిళనాడులో 82 శాతం పైగా పోలింగ్ నమోదు కావడం విశేషం. ప్రజలు ఇంత ఉత్సాహంగా ఓటింగ్‌లో పాల్గొన్న సమయంలో, ప్రముఖులపై దృష్టి పడటం సహజమే. సినిమా, రాజకీయాలు కలిసినప్పుడు ఇలాంటి చర్చలు తప్పవని ఈ ఘటన మరోసారి స్పష్టం చేసింది.