Rashmika Mandanna | స్టార్ నటి రష్మిక మందన్నా (Rashmika Mandanna) డీప్ఫేక్ వీడియో (Deepfake Video)కు సంబంధించిన కేసులో కీలక నిందితుడిని పోలీసులు ఇవాళ అరెస్ట్ చేశారు. ఆర్టిఫిషియల్ ఇంటెలిజెన్స్ (AI) సాయంతో డీప్ఫేక్ వీడియోని సృష్టించిన ప్రధాన నిందితుడిని (Deepfake Creator Arrested) అదుపులోకి తీసుకున్నట్లు ఢిల్లీ పోలీసులు వెల్లడించారు. ప్రస్తుతం అతడిని విచారిస్తున్నట్లు తెలిపారు.
రష్మికకు సంబంధించిన ఓ డీప్ఫేక్ వీడియో (deepfake video) గతేడాది నవంబర్లో వైరల్ అయిన విషయం తెలిసిందే. జారా పటేల్(Zara Patel) అనే ఓ సోషల్ మీడియా ఇన్ఫ్లూయెన్సర్కి సంబంధించిన వీడియోకి రష్మిక ముఖాన్ని మార్ఫింగ్ చేసి సోషల్ మీడియాలో పోస్టు చేయడంతో అదికాస్తా వైరల్గా మారింది. దీనిపై సినీ ప్రముఖులు, నెటిజన్లు తీవ్ర ఆగ్రహం వ్యక్తం చేశారు. ఈ ఘటనకు పాల్పడిన వారిని వెంటనే గుర్తించి తగిన చర్యలు తీసుకోవాలని డిమాండ్ చేశారు. ఈ వీడియోకు సంబంధించి ఢిల్లీ మహిళా కమిషన్ కూడా స్పందించింది. ఈ మేరకు ఢిల్లీ పోలీసులకు నోటీసు పంపింది. ఈ ఘటనకు పాల్పడిన వారిపై కఠిన చర్యలు తీసుకోవాలని కోరింది. దీంతో కేసు నమోదు చేసిన ఢిల్లీ పోలీసులు దర్యాప్తు చేస్తున్నారు.
ఈ కేసు (Deepfake Case) దర్యాప్తులో ఢిల్లీ పోలీసులు (Delhi Police) గత నెల నలుగురు నిందితుల్ని గుర్తించి అదుపులోకి తీసుకున్న విషయం తెలిసిందే. అయితే, నకిలీ వీడియో తయారు చేసింది మాత్రం వీరు కాదని అప్పట్లో వారు స్పష్టం చేశారు. ఆర్టిఫిషియల్ ఇంటెలిజెన్స్ సాయంతో డీప్ఫేక్ వీడియోని సృష్టించినట్లు తమ దర్యాప్తులో తేలిందన్నారు. మెటా సంస్థ అందించిన వివరాల ఆధారంగా నలుగురు నిందితుల్ని గుర్తించి అదుపులోకి తీసుకున్నట్లు పోలీసులు వెల్లడించారు. ఈ క్రమంలోనే తాజాగా ప్రధాన నిందితుడిని గుర్తించి అరెస్ట్ చేసినట్లు పోలీసులు ఇవాళ తెలిపారు.
Also Read..
Pran Pratishtha | ప్రాణ ప్రతిష్ట రోజున భక్తులకు ప్రసాదంగా.. తెప్లా, మటర్ కచోరీ..
PM Modi | స్టేజ్పైకి వెళ్తూ పడిపోబోయిన సీఎం స్టాలిన్.. సాయం చేసిన ప్రధాని మోదీ