Aadarsha Kutumbam ak 47 | వెంకటేశ్-త్రివిక్రమ్ కాంబోపై పెరుగుతున్న‌ హైప్… ‘ఆదర్శ కుటుంబం – AK 47’పై ఇండస్ట్రీ ఫోకస్

Aadarsha Kutumbam ak 47 | టాలీవుడ్‌లో ఫ్యామిలీ ఎంటర్‌టైనర్లకు చిరునామాగా గుర్తింపు పొందిన విక్టరీ వెంకటేశ్ ప్రస్తుతం కెరీర్‌లో అత్యుత్తమ దశను ఆస్వాదిస్తున్నారు. వయసు పెరుగుతున్నా ఆయన ఇమేజ్‌కి, నటనకు ఏమాత్రం తగ్గుదల లేకుండా వరుసగా ప్రేక్షకులను అలరిస్తుండటం విశేషం. థియేటర్లలోనూ, ఓటీటీలోనూ ఆయన సినిమాలు మంచి స్పందన అందుకోవడంతో వెంకటేశ్ మార్కెట్ మరింత బలపడింది.

Aadarsha Kutumbam ak 47 | టాలీవుడ్‌లో ఫ్యామిలీ ఎంటర్‌టైనర్లకు చిరునామాగా గుర్తింపు పొందిన విక్టరీ వెంకటేశ్ ప్రస్తుతం కెరీర్‌లో అత్యుత్తమ దశను ఆస్వాదిస్తున్నారు. వయసు పెరుగుతున్నా ఆయన ఇమేజ్‌కి, నటనకు ఏమాత్రం తగ్గుదల లేకుండా వరుసగా ప్రేక్షకులను అలరిస్తుండటం విశేషం. థియేటర్లలోనూ, ఓటీటీలోనూ ఆయన సినిమాలు మంచి స్పందన అందుకోవడంతో వెంకటేశ్ మార్కెట్ మరింత బలపడింది. ముఖ్యంగా ఫ్యామిలీ ఆడియన్స్‌లో ఆయనకు ఉన్న క్రేజ్ రోజురోజుకూ పెరుగుతుండటంతో నిర్మాతలు కూడా వెంకీతో సినిమాలు చేయడానికి ఆసక్తి చూపుతున్నారు. ఈ నేపథ్యంలో అభిమానులు ఎన్నాళ్లుగానో ఎదురుచూస్తున్న ఒక క్రేజీ కాంబినేషన్ ఇప్పుడు నిజమవుతోంది.

మాటల మాంత్రికుడు త్రివిక్రమ్ శ్రీనివాస్ దర్శకత్వంలో వెంకటేశ్ హీరోగా తెరకెక్కుతున్న తాజా చిత్రం ‘ఆదర్శ కుటుంబం – AK 47’ ఇప్పటికే సినీ వర్గాల్లో హాట్ టాపిక్‌గా మారింది. గతంలో ‘నువ్వు నాకు నచ్చవ్’, ‘మల్లీశ్వరి’ వంటి హిట్ చిత్రాలకు రైటర్–హీరో కాంబోగా కలిసి పనిచేసిన వీరిద్దరూ ఇప్పుడు డైరెక్టర్–హీరోగా మొదటిసారి చేతులు కలపడం సినిమాపై భారీ అంచనాలు పెంచింది. ఇటీవల విడుదలైన టైటిల్ అనౌన్స్‌మెంట్, ఫస్ట్ లుక్ పోస్టర్ ప్రేక్షకుల్లో ఆసక్తిని రెట్టింపు చేశాయి. అయితే షూటింగ్ ప్రారంభమైన తర్వాత కొన్ని సాంకేతిక మార్పులు చోటుచేసుకున్నాయని ఇండస్ట్రీలో చర్చ జరుగుతోంది. నాణ్యత విషయంలో ఎలాంటి రాజీ పడకూడదనే ఉద్దేశంతో త్రివిక్రమ్ టెక్నికల్ టీమ్‌పై ప్రత్యేక శ్రద్ధ పెట్టినట్లు సమాచారం. సినిమాటోగ్రాఫర్, ఆర్ట్ డైరెక్టర్ మార్పులు జరిగినట్టు టాక్ వినిపిస్తోంది. ముందుగా వేసిన భారీ సెట్‌పై పూర్తిగా సంతృప్తి చెందక కొత్తగా రీడిజైన్ చేయించినట్లు ఫిల్మ్‌నగర్ వర్గాలు చెబుతున్నాయి.

ఈ మార్పుల కారణంగా షూటింగ్ షెడ్యూల్‌లో కొంత ఆలస్యం జరిగినప్పటికీ, క్వాలిటీ విషయంలో మాత్రం రాజీ లేకుండా మేకర్స్ ముందుకు వెళ్తున్నట్లు తెలుస్తోంది. ఈ చిత్రాన్ని వచ్చే వేసవిలో విడుదల చేయాలని ఇప్పటికే నిర్మాణ సంస్థ ప్రకటించగా, ఆ డేట్‌ను టార్గెట్‌గా పెట్టుకుని టీమ్ పక్కా ప్రణాళికలతో పని చేస్తున్నట్లు సమాచారం. భారీ సెట్ తిరిగి నిర్మాణం షూటింగ్‌పై ప్రభావం చూపుతుందా అన్న సందేహాలు ఉన్నా, విడుదల విషయంలో మేకర్స్ కాన్ఫిడెంట్‌గా ఉన్నారని టాక్. సినిమాలో హీరోయిన్‌గా శ్రీనిధి శెట్టి నటిస్తుండగా, నారా రోహిత్ కీలక పాత్రలో కనిపించనున్నారు. ఆయన పాత్ర కథలో ప్రత్యేకమైన ట్రాక్‌గా ఉండబోతుందని వినిపిస్తోంది. హారికా అండ్ హాసిని క్రియేషన్స్ బ్యానర్‌పై ఎస్. రాధాకృష్ణ ఈ చిత్రాన్ని నిర్మిస్తున్నారు. ఫ్యామిలీ ఎంటర్‌టైనర్‌తో పాటు క్రైమ్ ఎలిమెంట్స్ మేళవింపుతో ఈ సినిమా రూపొందుతోందని తెలుస్తోంది.