తెలుగు సినిమాతో సెకండ్‌ ఇన్నింగ్స్‌?

స్టార్‌ క్రికెటర్‌ విరాట్‌ కోహ్లితో వివాహానంతరం సినిమాలకు బ్రేక్‌ తీసుకుంది అగ్ర కథానాయిక అనుష్కశర్మ. సినిమాల ఎంపికలో సెలెక్టివ్‌గా ఉంటూ పాత్రలపరంగా వైవిధ్యానికి ప్రాధాన్యతనిస్తుందని ఆమెకు బాలీవుడ్‌లో మంచి పేరుంది.

స్టార్‌ క్రికెటర్‌ విరాట్‌ కోహ్లితో వివాహానంతరం సినిమాలకు బ్రేక్‌ తీసుకుంది అగ్ర కథానాయిక అనుష్కశర్మ. సినిమాల ఎంపికలో సెలెక్టివ్‌గా ఉంటూ పాత్రలపరంగా వైవిధ్యానికి ప్రాధాన్యతనిస్తుందని ఆమెకు బాలీవుడ్‌లో మంచి పేరుంది. ఈ నేపథ్యంలో అనుష్కశర్మ కెరీర్‌లో సెకండ్‌ ఇన్నింగ్స్‌ను మొదలుపెడుతూ తెలుగులో ఓ క్రేజీ ప్రాజెక్ట్‌లో భాగం కాబోతున్నట్లు తెలిసింది. అల్లు అర్జున్‌ కథానాయకుడిగా అట్లీ దర్శకత్వంలో రూపొందుతున్న సైంటిఫిక్‌ ఫాంటసీ చిత్రంలో అనుష్క శర్మ కీలక పాత్రలో నటించనుందని వార్తలొస్తున్నాయి. ‘పుష్ప’ ఫ్రాంఛైజీ తర్వాత అల్లు అర్జున్‌ చేస్తున్న సినిమా ఇదే కావడంతో ఈ ప్రాజెక్ట్‌పై భారీ హైప్‌ నెలకొని ఉంది.

ఈ సినిమాలో అనుష్కశర్మ నటించడం ఖాయమని, ఇప్పటికే చిత్రబృందం ఆమెతో చర్చల్ని పూర్తి చేసిందని బాలీవుడ్‌ మీడియాలో కథనాలొచ్చాయి. రెండు సమాంతర ప్రపంచాల నేపథ్య కథాంశంతో హాలీవుడ్‌ స్థాయి ప్రమాణాలతో దర్శకుడు అట్లీ ఈ చిత్రాన్ని తెరకెక్కిస్తున్నారు. దీపికా పడుకోన్‌ కథానాయికగా నటిస్తున్న ఈ సినిమాలో మృణాల్‌ ఠాకూర్‌, రష్మిక మందన్న కూడా నటించనున్నట్లు వార్తలు వినిపిస్తున్నాయి. ‘ఏఏ22’ వర్కింగ్‌ టైటిల్‌తో తెరకెక్కుతున్న ఈ సినిమా షూటింగ్‌ ఈ ఏడాది ద్వితీయార్థంలో పూర్తవబోతున్నట్లు సమాచారం.