మణిరత్నం దర్శకత్వంలో ప్రేమ కథ?

భారతీయ సినిమాలో క్లాసిక్‌ చిత్రాల రూపకర్తగా, మాస్టర్‌ స్టోరీ టెల్లర్‌గా పేరు తెచ్చుకున్నారు అగ్ర దర్శకుడు మణిరత్నం. ‘పొన్నియన్‌ సెల్వన్‌' ఫ్రాంఛైజీతో గ్రాండ్‌ కమ్‌బ్యాక్‌ ఇచ్చారాయన. అయితే గత చిత్రం ‘థగ్‌లైఫ్‌' ఫలితం మాత్రం నిరుత్సాహపరచింది.

భారతీయ సినిమాలో క్లాసిక్‌ చిత్రాల రూపకర్తగా, మాస్టర్‌ స్టోరీ టెల్లర్‌గా పేరు తెచ్చుకున్నారు అగ్ర దర్శకుడు మణిరత్నం. ‘పొన్నియన్‌ సెల్వన్‌’ ఫ్రాంఛైజీతో గ్రాండ్‌ కమ్‌బ్యాక్‌ ఇచ్చారాయన. అయితే గత చిత్రం ‘థగ్‌లైఫ్‌’ ఫలితం మాత్రం నిరుత్సాహపరచింది. ఈ నేపథ్యంలో మణిరత్నం తాజా సినిమా గురించి తమిళ ఫిల్మ్‌ సర్కిల్స్‌లో ఆసక్తికరమైన వార్తలు వినిపిస్తున్నాయి. విజయ్‌ సేతుపతి, సాయిపల్లవితో ఆయన ఓ ప్రేమకథను తెరకెక్కించేందుకు సన్నాహాలు చేస్తున్నారని లేటెస్ట్‌ టాక్‌. ఇప్పటికే ఈ సినిమాకు విజయ్‌ సేతుపతి-సాయిపల్లవి గ్రీన్‌సిగ్నల్‌ ఇచ్చారని తెలిసింది.

జనవరిలో ఈ సినిమాను అధికారికంగా ప్రకటిస్తారని, ఏప్రిల్‌లో రెగ్యులర్‌ షూటింగ్‌ మొదలవుతుందని సమాచారం. తొలుత శింబు కథానాయకుడిగా మణిరత్నం ఈ సినిమాకు ప్లాన్‌ చేశారట. అయితే అనివార్య కారణాల వల్ల ఆయన ఈ ప్రాజెక్ట్‌లో భాగం కాలేకపోయారని తెలిసింది.

దర్శకుడిగా మణిరత్నంను తాను ఎంతగానో ఆరాధిస్తానని, ఆయన సినిమాలో నటించడం తన జీవితకాల స్వప్నమని సాయిపల్లవి పలు సందర్భాల్లో చెప్పింది. ఈ నేపథ్యంలో ఆమె తొలిసారి మణిరత్నం సినిమాలో భాగం కాబోతుండటం విశేషం. ఈ చిత్రానికి సంబంధించిన మరిన్ని వివరాలు త్వరలో వెల్లడికానున్నాయి.