Bhavish Aggarwal | బజాజ్, హీరోలపై ఓలా ఎలక్ట్రిక్ సీఈఓ భవిష్ ఘాటు వ్యాఖ్యలు.. అసలేమైందంటే..?!
Bhavish Aggarwal | హార్లీ డేవిడ్సన్తో హీరో మోటో కార్ప్, ట్రయంఫ్ భాగస్వామ్యంతో పాశ్చాత్య ఐసీఈ బైక్స్ ఎందుకు తయారు చేస్తున్నాయో అర్థం కావట్లేదని ఓలా ఎలక్ట్రిక్ సీఈఓ భవిష్ అగర్వాల్ ఘాటు వ్యాఖ్యలు చేశారు.
Bhavish Aggarwal | దేశీయ టూ వీలర్స్ తయారీ సంస్థలు హీరో మోటో కార్ప్, బజాజ్ మోటార్ సైకిల్స్పై ఓలా ఎలక్ట్రిక్ సీఈఓ భవిష్ అగర్వాల్ సంచలన వ్యాఖ్యలు చేశారు. పాశ్చాత్య దేశాల ఐసీఈ (ఇంటర్నల్ కంబుస్టన్ ఇంజిన్) వాహనాల తయారీకి.. ఆయా సంస్థలతో హీరో మోటో కార్ప్, బజాజ్ మోటార్ సైకిల్స్ కాంట్రాక్టు ఒప్పందాలు ఖరారు చేసుకున్నాయి. ఇటీవల అమెరికాకు చెందిన హార్లీ డేవిడ్సన్ ఎక్స్440 బైక్ ను భారత్ మార్కెట్లో హీరో మోటో కార్ప్ ఆవిష్కరించింది. మరోవైపు బజాజ్ మోటార్ సైకిల్స్-ట్రయంఫ్ భాగస్వామ్యంతో ట్రయంఫ్ స్పీడ్ 400 బైక్ తీసుకొచ్చింది.
దీనిపై ఓలా ఎలక్ట్రిక్ సీఈఓ భవిష్ అగర్వాల్ ఘాటుగా స్పందించారు. ‘పాశ్చాత్య దేశాల ఐసీఈ మోటార్ సైకిల్ బ్రాండ్స్ బైక్లను దేశీయంగా కొన్ని కంపెనీలు ఎందుకు తయారు చేస్తున్నాయో నాకు అర్థం కావడం లేదు’ అని వ్యాఖ్యానించారు. ‘ప్రపంచం మొత్తానికి అవసరమైన ఎలక్ట్రిక్ స్కూటర్లను #మేక్ ఇన్ ఇండియా కింద ఫ్యూచర్ మోటారు సైకిళ్లను నిర్మిస్తున్నాం’ అని ట్వీట్ చేశారు.
బజాజ్-ట్రయంఫ్ సంయుక్తంగా దేశీయ మార్కెట్లో విడుదల చేసిన బ్రిటన్ టూ వీలర్స్ బైక్ ‘ట్రయంఫ్ స్పీడ్ 400’ ధర రూ.2.23 లక్షలు (ఎక్స్ షోరూమ్) గా ప్రకటించింది. తొలి పది వేల బైక్ లకు మాత్రమే ఈ ధర వర్తిస్తుందని ప్రకటించింది.
మరోవైపు అమెరికా మోటారు సైకిళ్ల తయారీ సంస్థ హార్లీ డేవిడ్సన్ భాగస్వామ్యంతో హీరో మోటో కార్ప్ ఆవిష్కరించిన హార్లీ డేవిడ్సన్ ఎక్స్440 బైక్ ధర రూ.2.29 లక్షలు (ఎక్స్ షోరూమ్)గా నిర్ణయించింది.
Read Today's Latest Business News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

