SUV | టాప్‌గేర్‌లో దూసుకుపోతున్న వాహన విక్రయాలు.. ఎస్‌యూవీలకు ఫుల్‌ డిమాండ్‌

వాహన విక్రయాలు టాప్‌గేర్‌లో దూసుకుపోతున్నాయి. ఇదేక్రమంలో దేశవ్యాప్తంగా స్పోర్ట్‌ యుటిలిటీ వాహనాలకు డిమాండ్‌ అధికంగా ఉండటంతో గతనెలకుగాను అమ్మకాలు రికార్డు స్థాయికి చేరుకున్నాయి

SUV | న్యూఢిల్లీ, మార్చి 1: వాహన విక్రయాలు టాప్‌గేర్‌లో దూసుకుపోతున్నాయి. ఇదేక్రమంలో దేశవ్యాప్తంగా స్పోర్ట్‌ యుటిలిటీ వాహనాలకు డిమాండ్‌ అధికంగా ఉండటంతో గతనెలకుగాను అమ్మకాలు రికార్డు స్థాయికి చేరుకున్నాయి. ఆటోమొబైల్‌ దిగ్గజాలైన మారుతి సుజుకీ, హ్యుందాయ్‌, టాటా మోటర్స్‌లు సింగిల్‌ డిజిట్‌ను వృద్ధిని నమోదు చేసుకోగా..మహీంద్రా అండ్‌ మహీంద్రా, టయోటా కిర్లోస్కర్‌, హోండా కార్స్‌లకు చెందిన మాడళ్లకు డిమాండ్‌ అధికంగా నమోదైంది. దేశీయ ఆటోమొబైల్‌ రంగంలో అత్యధికంగా అమ్ముడైన వాహనాల జాబితాలో ఇది మూడోసారి. ఈ ఏడాది జనవరిలో అత్యధికంఆ 3,94,500 యూనిట్లతో తొలిస్థానంలో నిలిచింది. ఆ తర్వాతి 3,91,811 యూనిట్లతో అక్టోబర్‌ 2023 రెండో స్థానంలో నిలిచింది.

• గత నెలలో మారుతి సుజుకీ దేశీయంగా ప్యాసింజర్‌ వాహన విక్రయాలు 9 శాతం ఎగబాకి 1,60,271లకు చేరుకున్నాయి. ఏడాది క్రితం ఇది 1,47,467 యూనిట్లు ఉన్నాయి.
• టాటా మోటర్స్‌ 51,321 యూనిట్ల ప్యాసింజర్‌ వాహనాలను విక్రయించింది. ఏడాది క్రితం అమ్మిన వాహనాలతో పోలిస్తే 19 శాతం అధికం.
• అలాగే మహీంద్రా అండ్‌ మహీంద్రా పీవీ సేల్స్‌ ఏడాది ప్రాతిపదికన 40 శాతం అధికమై 42,401 యూనిట్లకు చేరుకున్నాయి. గతేడాది ఇది 30,358 యూనిట్లుగా ఉన్నాయి.
• టయోటా కిర్లోస్కర్‌ రికార్డు స్థాయిలో 25,220 యూనిట్లను విక్రయించింది.
• హీరో మోటోకార్ప్‌ హోల్‌సేల్‌ అమ్మకాలు 19 శాతం పెరిగి 4,68,410 యూనిట్లకు చేరాయి.

ప్యాసింజర్‌ వాహన విక్రయాలు రికార్డు స్థాయికి చేరుకున్నాయి. వరుసగా 14 నెలలో కూడా ఎస్‌యూవీల సేల్స్‌ దూసుకుపోయాయి. ప్రస్తుత ఆర్థిఖ సంవత్సరంలో 16 లక్షల వాహనాలు అమ్ముడయ్యే అవకాశాలు ఉన్నాయి. మొత్తం ఇండస్ట్రీ 42.1 లక్షల యూనిట్లకు చేరుకుంటుందని ఆశిస్తున్నా.
– శశాంక్‌ శ్రీవాత్సవ, మారుతి సుజుకీ ఇండియా సీనియర్‌ ఎగ్జిక్యూటివ్‌