టీవీఎస్‌ నయా ఈ-స్కూటర్‌

ఈవీ పరిధిని మరింత విస్తరించడంలో భాగంగా టీవీఎస్‌ మోటర్‌ కంపెనీ మరో మాడల్‌ను దేశీయ మార్కెట్‌కు పరిచయం చేసింది. ఆర్బిటర్‌ వీ1ను 1.8 కిలోవాట్ల బ్యాటరీతో తీర్చిదిద్దిన సంస్థ..ఆర్బిటర్‌ వీ2ని 3.1 కిలోవాట్ల బ్యాటరీతో తయారు చేసింది.

• సింగిల్‌ చార్జింగ్‌తో 84 కిలోమీటర్లు

చెన్నై, మార్చి 12: ఈవీ పరిధిని మరింత విస్తరించడంలో భాగంగా టీవీఎస్‌ మోటర్‌ కంపెనీ మరో మాడల్‌ను దేశీయ మార్కెట్‌కు పరిచయం చేసింది. ఆర్బిటర్‌ వీ1ను 1.8 కిలోవాట్ల బ్యాటరీతో తీర్చిదిద్దిన సంస్థ..ఆర్బిటర్‌ వీ2ని 3.1 కిలోవాట్ల బ్యాటరీతో తయారు చేసింది. సింగిల్‌ చార్జింగ్‌తో 86 కిలోమీటర్లు ప్రయాణించనున్న ఈ మాడల్‌ ప్రారంభ ధర రూ.49,999గా(బ్యాటరీ-య్యాస్‌-ఏ-సర్వీసెస్‌(బాస్‌)తో కలుపుకొని నిర్ణయించింది. బాస్‌తో నెలవారీగా రూ.862 చెల్లించాల్సివుంటుంది.

2.20 గంటల్లో బ్యాటరీ 80 శాతం రీచార్జి కానున్నది. బాస్‌ లేకుండా ఈ స్కూటర్‌ ధరను రూ.84,500కి విక్రయించింది. ఈ ధరలు న్యూఢిల్లీ షోరూంనకు సంబంధించినవి. మొబైల్‌ యాప్‌తో బ్యాటరీ చార్జింగ్‌ తెలుసుకోవచ్చును. స్మార్ట్‌ నావిగేషన్‌తో కాల్స్‌ అటెండ్‌ కావడంతోపాటు ఎస్‌ఎంఎస్‌ పంపుకోవచ్చు కూడా. ఈ స్కూటర్‌పై ఐదేండ్లు లేదా 70 వేల కిలోమీటర్ల వ్యారెంటీని కల్పిస్తున్నది.