రికార్డు స్థాయికి పీవీల విక్రయాలు

ప్యాసింజర్‌ వాహనాలకు కొనుగోలుదారుల నుంచి విశేష స్పందన లభిస్తున్నది. దేశవ్యాప్తంగా పెళ్లిళ్లసీజన్‌ కావడంతో ప్యాసింజర్‌ వాహనాలకు జోష్‌ పెంచిందని ఫెడరేషన్‌ ఆటోమొబైల్‌ డీలర్స్‌ అసోసియేషన్స్‌(ఫాడా) తాజాగా విడుదల చేసిన నివేదికలో వెల్లడించింది.

• జనవరి నెలలో 4 లక్షల యూనిట్లు: ఫాడా

న్యూఢిల్లీ, ఫిబ్రవరి 13: ప్యాసింజర్‌ వాహనాలకు కొనుగోలుదారుల నుంచి విశేష స్పందన లభిస్తున్నది. దేశవ్యాప్తంగా పెళ్లిళ్లసీజన్‌ కావడంతో ప్యాసింజర్‌ వాహనాలకు జోష్‌ పెంచిందని ఫెడరేషన్‌ ఆటోమొబైల్‌ డీలర్స్‌ అసోసియేషన్స్‌(ఫాడా) తాజాగా విడుదల చేసిన నివేదికలో వెల్లడించింది. జనవరి నెలలో 3,93,250 యూనిట్ల పీవీలు అమ్ముడయ్యాయి. క్రితం ఏడాది ఇదే నెలలో అమ్ముడైన 3,47,086 యూనిట్లతో పోలిస్తే 13 శాతం అధికమని పేర్కొంది.

• ద్విచక్ర వాహన అమ్మకాలు 15 శాతం ఎగబాకి 14,58,849లకు చేరాయి.
• కమర్షియల్‌ వాహన అమ్మకాలు ఫ్లాట్‌గా 89,208 వద్ద స్థిరపడ్డాయి.
• త్రిచక్ర వాహన విక్రయాలు 37 శాతం అధికమై 97,675లకు చేరాయి.
• ట్రాక్టర్ల అమ్మకాలు ఏడాది ప్రాతిపదికన 21 శాతం తగ్గి 88,671 యూనిట్లకు చేరుకున్నాయి.
• గత నెలలో రిటైల్‌ అమ్మకాలు 18,49,691 యూనిట్ల నుంచి 21,27,653లకు చేరాయి.

నూతన మాడళ్లతోపాటు ఎస్‌యూవీ వాహనాలకు డిమాండ్‌ ఉండటం వల్లనే రికార్డు స్థాయికి విక్రయాలు చేరుకున్నాయి. ప్రస్తుతం పెళ్లిళ్ల సీజన్‌ కూడా కావడం ఇందుకు కలిసొచ్చింది.

– మనీష్‌ రాజ్‌ సింఘానియా, ఫాడా ప్రెసిడెంట్‌