మదుపరుల పంట పండింది

దేశీయ స్టాక్‌ మార్కెట్లు తిరిగి కోలుకున్నాయి. గత రెండు సెషన్లుగా భారీగా నష్టపోయిన సూచీలకు రియల్టీ, విద్యుత్‌, ఆర్థిక షేర్ల నుంచి లభించిన మద్దతుతో భారీగా లాభపడ్డాయి.

• వరుస పతనాలకు బ్రేక్‌ 
• భారీగా లాభపడ్డ స్టాక్‌ మార్కెట్లు

ముంబై, జనవరి 4: దేశీయ స్టాక్‌ మార్కెట్లు తిరిగి కోలుకున్నాయి. గత రెండు సెషన్లుగా భారీగా నష్టపోయిన సూచీలకు రియల్టీ, విద్యుత్‌, ఆర్థిక షేర్ల నుంచి లభించిన మద్దతుతో భారీగా లాభపడ్డాయి. బ్యాంకుల పనితీరు మెరుగుపడిందని గణాంకాలు వెల్లడికావడం, దేశవ్యాప్తంగా ఇండ్ల అమ్మకాలు భారీగా పుంజుకోవడంతో ఈ రంగ షేర్లు కదంతొక్కాయి. మదుపరులు ఎగబడి కొనుగోళ్లు జరపడంతో ఒక దశలో 600 పాయింట్ల వరకు పెరిగిన 30 షేర్ల ఇండెక్స్‌ సూచీ సెన్సెక్స్‌ చివరకు 490.97 పాయింట్లు అందుకొని 71,847.57 పాయింట్ల వద్ద ముగిసింది. మరో సూచీ నిఫ్టీ సైతం 141.25 పాయింట్లు ఎగబాకి 21,658.60 స్థిరపడింది.

• బజాజ్‌ ఫైనాన్స్‌ 4.36 శాతం పెరిగి టాప్‌ గెయినర్‌గా నిలిచింది.
• వీటితోపాటు ఎన్‌టీపీసీ, ఇండస్‌ఇండ్‌ బ్యాంక్‌, యాక్సిస్‌ బ్యాంక్‌లు రెండు శాతానికి పైగా అధికమయ్యాయి.
• పవర్‌గ్రిడ్‌, టాటా మోటర్స్‌, నెస్లె, ఇన్ఫోసిస్‌, ఎయిర్‌టెల్‌, సన్‌ఫార్మా, హెచ్‌డీఎఫ్‌సీ బ్యాంక్‌, టైటాన్‌, రిలయన్స్‌, ఎల్‌అండ్‌టీ, టెక్‌ మహీంద్రా, ఐసీఐసీఐ బ్యాంక్‌ల షేర్లు లాభాల్లో ముగిశాయి.
• హెచ్‌సీఎల్‌ టెక్నాలజీ, అల్ట్రాటెక్‌ సిమెంట్‌, మహీంద్రా, టాటా స్టీల్‌, విప్రో, టీసీఎస్‌, మారుతి, హెచ్‌యూఎల్‌, ఐటీసీ, కొటక్‌ బ్యాంక్‌, ఎస్బీఐ, జేఎస్‌డబ్ల్యూ స్టీల్‌ షేర్లు నష్టపోయాయి.
• బీఎస్‌ఈ మిడ్‌క్యాప్‌ 1.49 శాతం, స్మాల్‌క్యాప్‌ ఇండెక్స్‌లు 1.04 శాతం చొప్పున బలపడ్డాయి.
• ఈ ఏడాదిలో రిజర్వుబ్యాంక్‌ వడ్డీరేట్లను తగ్గించే అవకాశాలున్నయన్న అంచనాలతో రియల్‌ ఎస్టేట్‌, బ్యాంకింగ్‌ రంగ షేర్లు భారీగా పుంజుకున్నాయి.
• రియల్టీ 6.61 శాతం, యుటిలిటీ 2.55 శాతం, టెలికమ్యూనికేషన్‌ 2.09 శాతం, సేవలు 1.68 శాతం, ఆర్థిక సేవలు 1.30 శాతం, కన్జ్యూమర్‌ రంగ షేర్లు పెరిగాయి.

రూ.3 లక్షల కోట్లు పెరిగిన సంపద
నూతన సంవత్సరంలో మదుపరుల పంటపండింది. గురువారం దేశీయ స్టాక్‌ మార్కెట్లు భారీగా లాభపడటంతో మదుపరులు రూ.3 లక్షల కోట్ల సంపదను పోగేసుకున్నారు. సూచీలు ఒక్క శాతం లాభపడటంతో బీఎస్‌ఈలో లిైస్టెన కంపెనీలు రూ.3,24,010.1 కోట్లు పెరిగింది. దీంతో బీఎస్‌ఈలో లిైస్టెన కంపెనీల మార్కెట్‌ క్యాపిటలైజేషన్‌ విలువ రికార్డు స్థాయి రూ.3,68,32,843.41 కోట్లకు చేరుకున్నది.