Star Health Gift for Women | మ‌హిళ‌లకు స్టార్‌హెల్త్ కొత్త పాల‌సీ.. ఇవీ ఫీచ‌ర్లు!

Star Health Gift for Women | అంత‌ర్జాతీయ మ‌హిళా దినోత్స‌వం సంద‌ర్భంగా స్టార్ హెల్త్ న్యూ హెల్త్ పాల‌సీని తీసుకొస్తున్న‌ట్లు ప్ర‌క‌టించింది.

Star Health Gift for Women | మ‌హిళ‌లు త‌మ కుటుంబం బాగోగుల కోసం అహ‌ర్నిశ‌లు క‌ష్ట‌ప‌డుతుంటారు. కానీ త‌మ ఆరోగ్యం గురించి ప‌ట్టించుకోరు. కుటుంబ శ్రేయ‌స్సు కోసం మ‌హిళ‌లు పాటుప‌డిన‌ట్లే వారి ఆరోగ్య ప‌రిర‌క్ష‌ణ‌పైనే ఫ్యామిలీ భ‌విష్య‌త్ ఆధార ప‌డి ఉంటుంది. ప్ర‌తి ద‌శ‌లోనూ మ‌హిళ‌ల‌కు హెల్త్‌కేర్ అవ‌స‌రం. అంత‌ర్జాతీయ మ‌హిళా దినోత్స‌వం సంద‌ర్భంగా మ‌హిళ‌ల ఆరోగ్యాన్ని కాపాడేందుకు స్టార్‌హెల్త్ అండ్ అలాయిడ్ ఇన్సూరెన్స్ కొత్త వైద్య బీమా పాల‌సీ తెచ్చింది. 18-75 ఏండ్ల మ‌ధ్య వ‌య‌స్సు గ‌ల మ‌హిళ‌ల కోసం న్యూ `స్టార్ ఉమెన్ కేర్ ఇన్సూరెన్స్ పాల‌సీ` ప్ర‌కటించింది.

స్టార్ ఉమెన్ కేర్ ఇన్సూరెన్స్ పాల‌సీ ముఖ్యాంశాలివే:

• వ్య‌క్తుల‌కు, కుటుంబాల‌కు ఈ పాల‌సీ ల‌భ్యం అవుతుంది.
• ఈ పాల‌సీ తీసుకున్న మ‌హిళ‌లు వైద్య చికిత్స కోసం ఎటువంటి ప్రీమెడిక‌ల్ టెస్ట్‌లు చేయించుకోన‌వ‌స‌రం లేదు.
• ఈ పాల‌సీ తీసుకున్న క‌స్ట‌మ‌ర్లు మూడు, ఆరు నెల‌ల‌ ప్రీమియంల్లో చెల్లించొచ్చు. ఒకటి, 2,3 సంవ‌త్స‌రాల ట‌ర్మ్‌తో ఈ పాల‌సీ కొనుగోలు చేయొచ్చు.

ఫ్యామిలీ ఫ్లోట‌ర్ ఆప్ష‌న్ ఇలా

• రెగ్యుల‌ర్ హాస్పిట‌లైజేష‌న్‌తోపాటు ఇన్‌ఫ‌ర్టిలిటీ చికిత్స ( reproduction treatment ), ప్ర‌స‌వ ద‌శ (ప్ర‌స‌వానికి ముందూ త‌ర్వాత‌), బ‌హుళ వైద్య సంప్ర‌దింపులు, ప్రివెంటివ్ హెల్త్ చెక‌ప్స్‌, స్వ‌చ్ఛంద కుటుంబ నియంత్ర‌ణ వాలంట‌రీ స్టెరిలైజేష‌న్ -voluntary sterilisation ), పిల్ల‌ల హాస్పిట‌లైజేష‌న్‌కు పాల‌సీ సాయ ప‌డుతుంది.
• మ‌హిళ‌ల‌కు క‌ల్పించే బీమా క‌వ‌రేజీ వారు జ‌న్మ‌నిచ్చే న‌వ‌జాత శిశువులు, పిల్ల‌ల‌కు ల‌భిస్తుంది.
• ఈ పాల‌సీ పొందిన తొలి రోజు న‌వ‌జాత శిశువుకు 25 శాతం, ఏడాది త‌ర్వాత 100 శాతం బీమా క‌వ‌రేజీ.
• బీమా పాల‌సీ తీసుకున్న త‌ల్లితోపాటు పాల‌సీ వ‌ర్తించే పిల్ల‌లు 12 ఏండ్ల లోపు అయితే హాస్పిట‌ల్ రూం రెంట్ క‌వ‌రేజీ, ఐసీయూ హాస్పిట‌లైజేష‌న్ సేవ‌లు.
• జీవిత భాగ‌స్వామితోపాటు ముగ్గురు పిల్ల‌ల‌కు ఫ్యామిలీ ప్లోట‌ర్ బీమా క‌వ‌రేజీ.
• ముంద‌స్తు మెడిక‌ల్ స్క్రీనింగ్‌, పాల‌సీ తీసుకున్నాక పెండ్లి చేసుకుంటే మ‌ధ్య‌లో జీవిత భాగ‌స్వామి చేరిక‌, గ‌ర్భం దాల్చిన‌ప్పుడు పాల‌సీ కొనుగోలు, ఫ‌ర్టిలిటీ చికిత్స‌, గ‌ర్భ సంర‌క్ష‌ణ చికిత్స‌, శ‌స్త్ర‌చికిత్స‌, న‌వ‌జాత శిశువు హాస్పిట‌లైజేష‌న్ ఖ‌ర్చు, వ్యాక్సినేష‌న్‌, పిల్ల‌ల వైద్యులు/వైద్యుల సంప్ర‌దింపులు, ప్రివెంటివ్ హెల్త్ చెక‌ప్ త‌దిత‌ర ఫీచ‌ర్లు జ‌త చేశారు.
• ఆన్‌లైన్‌లో www.starhealth.in వెబ్‌సైట్‌లో మ‌హిళ‌లు ఈ పాల‌సీ కొనుగోలు చేస్తే ఐదు శాతం డిస్కౌంట్‌. ఈ డిస్కౌంట్ తొలిసారి కొనుగోలు చేసిన‌ప్పుడు త‌దుప‌రి ఆన్‌లైన్‌లో రెన్యూవ‌ల్ చేసుకున్న‌ప్పుడు వ‌ర్తిస్తుంది.

స్టార్ హెల్త్ అండ్ అల్ల‌యిడ్ ఇన్సూరెన్స్ కంపెనీ ఎండీ ఆనంద్ రాయ్ మాట్లాడుతూ.. మ‌హిళ‌లు ఆరోగ్య బీమా సేవ‌లు సొంతంగా పొంద‌డానికి త‌మ సంస్థ అనుమతిస్తుంది. స్టార్ ఉమెన్ కేర్ ఇన్సూరెన్స్ పాల‌సీ ఒక స్వ‌తంత్ర‌, స‌మ‌గ్ర పాల‌సీ కానున్న‌ది అని చెప్పారు.