ఆదివారం 29 మార్చి 2020
Business - Mar 03, 2020 , 00:22:56

రివోల్ట్‌ ఈవీ బైకు.

రివోల్ట్‌ ఈవీ బైకు.
  • రివోల్ట్‌ ఈవీ బైకు.. రూ.20కి 150 కి.మీ

రాష్ట్ర మార్కెట్లోకి  ఎలక్ట్రిక్‌ బైకులను విడుదల చేసింది రివోల్ట్‌ ఇంటెల్లికార్ప్‌. రెండు రకాల్లో విడుదల చేసిన ఈ బైకుల్లో ఆర్‌వీ400 ధర రూ.1,03,999(నెలకు రూ.3,999 చొప్పున 38 నెలలపాటు), మరో మోడల్‌ ఆర్‌వీ 300 రూ.84,999(నెలకు రూ.2,999 చొప్పున 36 నెలలపాటు)గా నిర్ణయించింది. ఇదివరకే ఢిల్లీ, పుణెల్లో విడుదల చేసిన ఈరెండు రకాల బైకులకు వినియోగదారుల నుంచి విశేష స్పందన లభించిందని, హైదరాబాద్‌లో ఉన్న కస్టమర్లను ఆకట్టుకోవాలనే ఉద్దేశంతో ఇక్కడి మార్కెట్లోకి ప్రవేశించినట్లు రివోల్ట్‌ ఫౌండర్‌ రాహుల్‌ శర్మ తెలిపారు. ఈ బైకును కొనుగోలు చేసిన వారు రిజిస్ట్రేషన్‌/ఆర్‌టీవో, బీమా, స్మార్ట్‌కార్డ్‌కోసం అదనంగా చెల్లించాల్సి ఉంటుందన్నారు. ఫేమ్‌-2 కింద ఇచ్చే సబ్సిడీ తగ్గించిన తర్వాతనే ఈ ధరను నిర్ణయించింది. గంటకు 85 కిలోమీటర్ల వేగంతో దూసుకుపోయే ఈ బైకు బ్యాటరీని ఒక్కసారి రీచార్జి చేస్తే 150 కిలోమీటర్ల దూరం ప్రయాణించనున్నదన్నారు. 4.5 గంటల్లో ఈ బైకు బ్యాటరీ పూర్తిగా చార్జికానున్నది. నోయిడాలో ఉన్న ప్లాంట్లో ఈ బైకులను తయారు చేస్తున్నట్లు, ప్రస్తుతానికి ఈ బైకులకు అత్యధికంగా డిమాండ్‌ ఉండటంతో వెయింటింగ్‌ పీరియడ్‌ ఐదు నెలలు ఉండగా, దీనిని త్వరలో మూడు నెలలకు తగ్గించనున్నట్లు ఆయన ప్రకటించారు.  


logo