లోకల్‌ కంపెనీలతో గ్లోబల్‌ కలరింగ్‌!

దావోస్‌ వేదికగా లోకల్‌ కంపెనీలతో గ్లోబల్‌ కలరింగ్‌ ఇస్తున్నది రేవంత్‌ రెడ్డి సర్కార్‌. మంత్రులు, ఉన్నతాధికారులతో ప్రపంచ ఆర్థిక సదస్సు (డబ్ల్యూఈఎఫ్‌)కు ఆర్భాటంగా పోయిన రాష్ట్ర ముఖ్యమంత్రి రేవంత్‌ రెడ్డి.. అక్కడా ఇక్కడివారి నేతృత్వంలోని కంపెనీలతోనే అవగాహనా ఒప్పందా (ఎంవోయూ)లు కుదుర్చుకుంటున్నారు మరి.

• దావోస్‌ వేదికగా ఇక్కడి సంస్థలతోనే ఎంవోయూలు

హైదరాబాద్‌, జనవరి 21 (నమస్తే తెలంగాణ): దావోస్‌ వేదికగా లోకల్‌ కంపెనీలతో గ్లోబల్‌ కలరింగ్‌ ఇస్తున్నది రేవంత్‌ రెడ్డి సర్కార్‌. మంత్రులు, ఉన్నతాధికారులతో ప్రపంచ ఆర్థిక సదస్సు (డబ్ల్యూఈఎఫ్‌)కు ఆర్భాటంగా పోయిన రాష్ట్ర ముఖ్యమంత్రి రేవంత్‌ రెడ్డి.. అక్కడా ఇక్కడివారి నేతృత్వంలోని కంపెనీలతోనే అవగాహనా ఒప్పందా (ఎంవోయూ)లు కుదుర్చుకుంటున్నారు మరి.

తెలంగాణలో రూ.6వేల కోట్ల పెట్టుబడులతో ఓ స్మాల్‌ మాడ్యులర్‌ రియాక్టర్‌ (ఎస్‌ఎంఆర్‌) ఆధారిత క్లీన్‌ ఎనర్జీ ప్రాజెక్టు అభివృద్ధికి ఆసక్తి కనబర్చిన న్యూక్లర్‌ ప్రొడక్ట్స్‌ కంపెనీ వెనుక ఉన్నవారు తెలుగువారే కావడం గమనార్హం. స్లోవేకియాకు చెందిన ఐక్యూ క్యాపిటల్‌, భారత్‌కు చెందిన గ్రీన్‌ హౌజ్‌ ఎన్విరో జాయింట్‌ వెంచరే ఈ న్యూక్లర్‌ ప్రొడక్ట్స్‌. ఐక్యూ క్యాపిటల్‌ గ్రూప్‌ సీఈవో, డైరెక్టర్‌ అనిల్‌ కుమార్‌ భవిశెట్టి అవగా, గ్రీన్‌ హౌజ్‌ ఎన్విరో సీఈవో, డైరెక్టర్‌గా మొలుగు శ్రీపాల్‌ రెడ్డి వ్యవహరిస్తున్నారు. ఇదిలావుంటే మరికొన్ని సంస్థలూ తెలంగాణ ప్రభుత్వంతో ఎంవోయూలు చేసుకున్నాయి.

• రూ.1,000 కోట్ల పెట్టుబడులతో మెయింటెనెన్స్‌, రిపేర్‌-ఓవరాల్‌ యూనిట్‌ నెలకొల్పనున్న అమెరికా కంపెనీ సర్గాడ్‌.
• ప్రపంచంలోనే తొలి బ్యూటీ-టెక్‌ జీసీసీని హైదరాబాద్‌లో ఏర్పాటు చేస్తున్నట్టు ప్రకటించిన ఫ్రాన్స్‌ ఆధారిత బహుళజాతి పర్సనల్‌ కేర్‌ దిగ్గజం లోరియల్‌ సంస్థ.
• హైదరాబాద్‌లోని తమ ఆర్‌అండ్‌డీ సెంటర్‌ను మరింత విస్తరించనున్న కాలిఫోర్నియాకు చెందిన బ్లెయిజ్‌ కంపెనీ.
• టాటా చైర్మన్‌ నటరాజన్‌ చంద్రశేఖరన్‌తో సీఎం రేవంత్‌ రెడ్డి భేటీ . తెలంగాణలో ముఖ్యంగా మేడారం, వేములవాడ, భద్రాచలం వంటి ఆలయ ప్రాంతాల్లో హోటళ్లు, రిసార్ట్స్‌ ఏర్పాటుకు టాటాలు ఆసక్తి.
• ఏటా జూలైలో హైదరాబాద్‌లో డబ్ల్యూఈఎఫ్‌ ఫాలో-అప్‌ సదస్సు నిర్వహించాలని ప్రతిపాదించిన సీఎం రేవంత్‌ రెడ్డి.
• తెలంగాణ ఏఐ ఇన్నోవేషన్‌ హబ్‌ (టీఏఐహెచ్‌), తెలంగాణ నెక్స్‌-జెన్‌ లైఫ్‌ సైన్సెస్‌ పాలసీ 2026-2030 ఆవిషరణ.