Jio Book | 16,499కే నయా జియోబుక్‌.. దీని స్పెషాలిటీ తెలిస్తే అవాక్కవాల్సిందే!

Jio Book | రిలయన్స్‌ రిటైల్‌ ఓ సరికొత్త జియోబుక్‌ ల్యాప్‌టాప్‌ను ఆవిష్కరించింది. అన్ని వర్గాల వినియోగదారులను దృష్టిలో పెట్టుకుని తెచ్చిన దీని ధర రూ.16,499. ఈ 4జీ-ఎల్‌టీఈ ఆధారిత ల్యాప్‌టాప్‌ చాలా తేలిక. వీలుంటే జేబులోనూ పెట్టుకోవచ్చు. దేశీయ తొలి లెర్నింగ్‌ బుక్‌గా చెప్తున్న ఈ ల్యాప్‌టాప్‌.. ఆగస్టు 5 నుంచి మార్కెట్‌లో అందుబాటులో ఉండనున్నది.

Jio Book | న్యూఢిల్లీ, జూలై 31: రిలయన్స్‌ రిటైల్‌ ఓ సరికొత్త జియోబుక్‌ ల్యాప్‌టాప్‌ను ఆవిష్కరించింది. అన్ని వర్గాల వినియోగదారులను దృష్టిలో పెట్టుకుని తెచ్చిన దీని ధర రూ.16,499. ఈ 4జీ-ఎల్‌టీఈ ఆధారిత ల్యాప్‌టాప్‌ చాలా తేలిక. వీలుంటే జేబులోనూ పెట్టుకోవచ్చు. దేశీయ తొలి లెర్నింగ్‌ బుక్‌గా చెప్తున్న ఈ ల్యాప్‌టాప్‌.. ఆగస్టు 5 నుంచి మార్కెట్‌లో అందుబాటులో ఉండనున్నది. రిలయన్స్‌ డిజిటల్‌ ఆన్‌లైన్‌, ఆఫ్‌లైన్‌ స్టోర్లు, అమెజాన్‌.ఇన్‌ ద్వారా కొనుగోలు చేయవచ్చు. కాగా, ఇప్పటికే జియో భారత్‌ ఫోన్లను రూ.999 ధరకే రిలయన్స్‌ పరిచయం చేసిన సంగతి విదితమే. దీని కోసం కేవలం రూ.123 ప్లాన్‌తో అన్‌లిమిటెడ్‌ వాయిస్‌ కాల్స్‌, 14జీబీ డాటా కంపెనీ ఇస్తున్నది. ఇక గత ఏడాది కూడా ఓ జియోబుక్‌ను తీసుకువచ్చింది.

జియోబుక్‌ విశేషాలు

• ఆకట్టుకునే డిజైన్‌, అల్ట్రా స్లిమ్‌తో మట్టే ఫినిషింగ్‌
• బరువు కేవలం 990 గ్రాములే
• ఇన్‌బిల్ట్‌ 4జీ జియో సిమ్‌కార్డ్‌
• 4జీబీ ర్యామ్‌, 64జీబీ ఇన్‌బిల్ట్‌ స్టోరేజీ
• మైక్రో ఎస్‌డీ కార్డ్‌ ద్వారా 256జీబీ స్టోరేజీ సౌకర్యం
• 5000 మెగాహెట్జ్‌ బ్యాటరీ
• సింగిల్‌ చార్జింగ్‌పై 8 గంటలదాకా బ్యాటరీ వినియోగం
• డ్యూయల్‌-బ్యాండ్‌ వైఫై క్యాపబిలిటీస్‌
• మల్టీ టాస్కింగ్‌ కోసం శక్తివంతమైన ఆక్టా-కోర్‌ చిప్‌సెట్‌
• 11.6 అంగుళాల (29.46 సెం.మీ) యాంటీ-యాంగిల్‌ హెచ్‌డీ డిస్‌ప్లే
• ఇన్ఫినిటీ కీబోర్డ్‌, లార్జ్‌ మల్టీ-గెస్చర్‌ ట్రాక్‌ప్యాడ్‌
• అడ్వాన్స్‌డ్‌ జియోఓఎస్‌
• ఆన్‌లైన్‌లో తరగతులతోపాటు ట్రేడింగ్‌ వంటి వాటికి అనుకూలం