రేపటి నుంచి కొత్త ఐటీ రూల్స్‌

March 31, 2021 / 01:12 AM IST

బుధవారంతో ఈ 2020-21 ఆర్థిక సంవత్సరం ముగిసిపోతున్నది. గురువారం నుంచి 2021-22 కొత్త ఆర్థిక సంవత్సరం మొదలవుతున్నది. దీంతో ఆదాయ పన్ను (ఐటీ) నిబంధనలూ మారబోతున్నాయి. బడ్జెట్‌లో కేంద్ర ఆర్థిక మంత్రి నిర్మలా సీతారామన్‌ ప్రకటించిన మేరకు ఏప్రిల్‌ 1 నుంచి వచ్చే ఆ మార్పులేమిటో ఒక్కసారి పరిశీలిస్తే..

ప్రావిడెంట్‌ ఫండ్‌ (పీఎఫ్‌)కు ఉద్యోగి వార్షిక విరాళం రూ.2.5 లక్షలు దాటితే ఆపై విరాళాల నుంచి పొందే వడ్డీ ఆదాయానికి పన్ను చెల్లించాల్సిందే.
మరింత మంది ఆదాయ పన్ను రిటర్ను (ఐటీఆర్‌)లను దాఖలు చేసేలా టీడీఎస్‌ లేదా టీసీఎస్‌లు పెరుగుతున్నాయి.
ఐటీఆర్‌లో ఇకపై లిస్టెడ్‌ సెక్యూరిటీల అమ్మకంపై పొందిన మూలధన లాభం, బ్యాంక్‌ లేదా పోస్టాఫీస్‌ నుంచి అందుకున్న డివిడెండ్‌, వడ్డీ ఆదాయాలనూ పేర్కొనాలి.
2019-20 ఆర్థిక సంవత్సరానికిగాను ఐటీఆర్‌ దాఖలుకు ఈ మార్చి 31 ఆఖరు తేదీ. ఆ తర్వాత ఆలస్య రుసుము చెల్లించాలి. ఐటీఆర్‌ సవరణకూ ఇదే చివరి తేదీ.

ఇవి కూడా చ‌ద‌వండి: