ఒప్పో ఎఫ్‌29 సిరీస్‌ ఫోన్లు

చైనాకు చెందిన ప్రముఖ స్మార్ట్‌ఫోన్ల తయారీ సంస్థ ఒప్పో..దేశీయ మార్కెట్లోకి మరో సిరీస్‌ ఫోన్లను అందుబాటులోకి తీసుకొచ్చింది. ఎఫ్‌29 సిరీస్‌లో భాగంగా రెండు మాడళ్లను ప్రవేశపెట్టింది.

• ప్రారంభ ధర రూ.23,999

న్యూఢిల్లీ, మార్చి 20: చైనాకు చెందిన ప్రముఖ స్మార్ట్‌ఫోన్ల తయారీ సంస్థ ఒప్పో..దేశీయ మార్కెట్లోకి మరో సిరీస్‌ ఫోన్లను అందుబాటులోకి తీసుకొచ్చింది. ఎఫ్‌29 సిరీస్‌లో భాగంగా రెండు మాడళ్లను ప్రవేశపెట్టింది. వీటిలో రూ.23,999 ధర కలిగిన ఒప్పో ఎఫ్‌29 ఫోన్‌ ఈ నెల 27 నుంచి అందుబాటులోకి రానుండగా, రూ.27,999 విలువైన ఎఫ్‌29 ప్రో మాడల్‌ ఏప్రిల్‌ 1 నుంచి మార్కెట్లో విడుదలకానున్నది. ఐపీ66, ఐపీ68, ఐపీ68 ప్రమాణాలకు తగ్గట్టుగా రూపొందించిన ఈ ఫోన్‌ నీటిలో పడిన.. దుమ్ములో ఎంతసేపైన ఉన్నా, అధిక వేడిలో ఉంచినప్పటికీ ఎలాంటి ఇబ్బందులు తలెత్తదని కంపెనీ వర్గాలు వెల్లడించాయి. 6500 ఎంఏహెచ్‌ బ్యాటరీ కలిగిన ఈ ఫోన్‌ రివర్స్‌ చార్జింగ్‌ సదుపాయం కూడా వున్నది.

ఒప్పో ఎఫ్‌29 సిరీస్‌ ఫోన్ల ఫీచర్లు

• 6.7 అంగుళాల క్వాడ్‌-కర్వ్య్‌ ఆమోలెడ్‌ డిస్‌ప్లేతో తీర్చిదిద్దింది.
• కంట్రోల్‌ ఆపరేటింగ్‌ సిస్టమ్‌15, మీడియా టెక్‌ డిమెన్‌సిటీ 7300 ఎనర్జీ చిప్‌సెట్‌, స్నాప్‌డ్రాగన్‌ 6 జెన్‌తో పనిచేయనున్నది.
• 50 మెగాపిక్సెల్‌ కెమెరా, 2 మెగాపిక్సెల్‌ కెమెరాతోపాటు సెల్ఫీ కోసం 16 మెగాపిక్సెల్‌ కెమెరాతో తయారుచేసింది.
• ఎఫ్‌29 ప్రో మాడల్‌ రూ.27,999 మొదలుకొని రూ.31,999 గరిష్ఠ స్థాయిలో లభించనున్నది. వీటిలో 8జీబీ+128జీబీ, 8జీబీ+256 జీబీ, 12జీబీ+256 జీబీ సామర్థ్యంతో రూపొందించింది.
• 8జీబీ+128జీబీ, 8జీబీ+256జీబీ మెమొరీతో లభించనున్న ఎఫ్‌29 మాడల్‌ రూ.23,999 నుంచి రూ.25, 999 ధరల శ్రేణిలో లభించనున్నది.
• ఫ్లిప్‌కార్ట్‌, అమెజాన్‌, ఒప్పో ఈ-స్టోర్‌తోపాటు అతిపెద్ద రిటైల్‌ అవుట్‌లెట్లలో ఏప్రిల్‌ 1 నుంచి అందుబాటులోకి రానున్నది.

పలు బ్యాంకు కార్డులపై ఆఫర్లు

• ఎస్బీఐ కార్డు, హెచ్‌డీఎఫ్‌సీ బ్యాంక్‌, యాక్సిస్‌ బ్యాంక్‌, బ్యాంక్‌ ఆఫ్‌ బరోడా, ఐడీఎఫ్‌సీ బ్యాంకుల కార్డులతో కొనుగోలు చేసిన వారికి 10 శాత వరకు ఇన్‌స్టంట్‌ క్యాష్‌ బ్యాక్‌ ఆఫర్‌
• అలాగే ఆరు నెలల పాటు నో-కాస్ట్‌ ఈఎంఐ ఆప్షన్‌, ఎనిమిది నెలల వరకు జీరో డౌన్‌పేమెంట్‌ స్కీం కూడా..