శుక్రవారం 05 మార్చి 2021
Business - Jan 27, 2021 , 17:24:44

ఆన్‌లైన్‌లో వన్‌ప్లస్‌ 9 స్పెసిఫికేషన్ల హల్చల్‌

ఆన్‌లైన్‌లో వన్‌ప్లస్‌ 9 స్పెసిఫికేషన్ల హల్చల్‌

న్యూఢిల్లీ : వన్‌ప్లస్‌ 9 స్పెసిఫికేషన్లు, డిజైన్‌కు సంబంధించి లీకైనట్టు చెబుతున్న లైవ్‌ ఇమేజ్‌ ఆన్‌లైన్‌లో చక్కర్లు కొడుతోంది. మార్కెట్‌లో త్వరలో సందడి చేయనున్న వన్‌ప్లస్‌ ఫోన్‌ హోల్‌ పంచ్‌ డిజైన్‌తో ఒంపు తిరిగిన డిస్‌ప్లేతో ఆకట్టుకుంటోంది. లేజర్‌ ఆటోఫోకస్‌ మాడ్యూల్‌తో ట్రిపుల్‌ రియర్‌ కెమెరా సెటప్‌తో ఈ ఫోన్‌ కస్టమర్ల ముందుకు రానుంది. లీకైన ఫోటోలో వన్‌ప్లస్‌ 9 సిల్వర్‌ కలర్‌ ఆప్షన్‌లో కనిపిస్తోంది. ఇతర షేడ్స్‌లోనూ ఈ ఫోన్‌ అందుబాటులో ఉండే అవకాశం ఉంది.

వన్‌ప్లస్‌ 9 ప్రో, వన్‌ప్లస్‌ 9 ఈతో పాటు వన్‌ప్లస్‌ 9 ఈ ఏడాది మార్చిలో మార్కెట్‌లోకి వస్తుందని అంచనా. ఇక ఐటీహోం రిపోర్ట్‌లో చూపిన వన్‌ప్లస్‌ 9 వెనుకవైపు రెక్టాంగ్యులర్‌ కెమెరా ఉన్నట్టు కనిపిస్తోంది. ఈ ఫోటో ఆధారంగా ఫీచర్లను గమనిస్తే వన్‌ప్లస్‌ 9 క్వాల్‌కామ్‌ స్నాప్‌డ్రాగన్‌ 888 ఎస్‌ఓసీని కలిగి 12 జీబీ ర్యాం, 256 ఆన్‌బోర్డ్‌ స్టోరేజ్‌లో అందుబాటులో ఉండనుంది. 6.54 అంగుళాల అమోల్ డిస్‌ప్లేతో పాటు రెండు 48 మెగాపిక్సెల్‌ సెన్సర్లు, ఒక 8 మెగాపిక్సెల్‌ సెన్సర్‌ను కలిగిఉంటుంది. ఈ ఫోన్‌ ఆండ్రాయిడ్‌ 11పై పనిచేస్తుంది. వన్‌ప్లస్‌ 9, 4500 ఎంహెచ్‌ బ్యాటరీ సామర్థ్యంతో ౩౦ వాట్స్‌ వైర్‌లెస్‌ చార్జింగ్‌ సపోర్ట్‌ చేస్తుంది. 


లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణఆండ్రాయిడ్ యాప్ డౌన్లోడ్ చేసుకోండి. 


VIDEOS

logo