క్షీణించిన ఎఫ్‌డీఐలు

ప్రస్తుత ఆర్థిక సంవత్సరం ఏప్రిల్‌-నవంబర్‌ మధ్యకాలంలో నికర విదేశీ ప్రత్యక్ష పెట్టుబడులు (ఎఫ్‌డీఐ) గణనీయంగా తగ్గాయి. 2022 ఏప్రిల్‌-నవంబర్‌లో ఇవి 19.76 బిలియన్‌ డాలర్లుకాగా, 2023లో 13.54 డాలర్లకు క్షీణించినట్టు రిజర్వ్‌బ్యాంక్‌ తాజా బులెటిన్‌ వెల్లడించింది.

• 13.54 బిలియన్‌ డాలర్లకు తగ్గుదల
• రిజర్వ్‌ బ్యాంక్‌ బులెటిన్‌

ముంబై, జనవరి 23: ప్రస్తుత ఆర్థిక సంవత్సరం ఏప్రిల్‌-నవంబర్‌ మధ్యకాలంలో నికర విదేశీ ప్రత్యక్ష పెట్టుబడులు (ఎఫ్‌డీఐ) గణనీయంగా తగ్గాయి. 2022 ఏప్రిల్‌-నవంబర్‌లో ఇవి 19.76 బిలియన్‌ డాలర్లుకాగా, 2023లో 13.54 డాలర్లకు క్షీణించినట్టు రిజర్వ్‌బ్యాంక్‌ తాజా బులెటిన్‌ వెల్లడించింది. 2023 ఏప్రిల్‌-నవంబర్‌ నెలల్లో దేశంలోకి స్థూలంగా 21.39 బిలియన్‌ డాలర్ల ఎఫ్‌డీఐలు తరలిరాగా, దేశం నుంచి 7.85 బిలియన్‌ డాలర్లు తరలివెళ్లాయి. దీంతో నికరంగా 13.54 బిలియన్‌ డాలర్లు వచ్చినట్లయ్యింది. ఎఫ్‌డీఐ వివరాలు..

• తయారీ, విద్యుత్‌, ఇతర ఇంధన రంగాలు, రవాణా, ఫైనాన్షియల్‌ సర్వీసులు, రిటైల్‌, హోల్‌సేల్‌ ట్రేడ్‌ రంగాల్లోకి మూడింట రెండువంతుల ఎఫ్‌డీఐ ఈక్విటీ రూపంలో వచ్చింది.
• దేశం ఆకర్షించిన ఈక్విటీ నిధుల్లో అత్యధికంగా 69.9 శాతం మారిషస్‌, సింగపూర్‌, జపాన్‌, యూఎస్‌, నెదర్లాండ్స్‌ దేశాల నుంచి వచ్చాయి.
• ఎఫ్‌డీఐని అధికంగా ఆకర్షించిన టాప్‌-10 దేశాల్లో ఇండియా ఉన్నదని ఆర్బీఐ బులెటిన్‌ తెలిపింది. 2023-24 ద్వితీయార్థంలో ఎఫ్‌డీఐ ప్రవాహం పెరుగుతుందని అంచనా వేసింది.