మహీంద్రా ఉడో ఎలక్ట్రిక్‌ ఆటో.. ప్రారంభ ధర రూ.3.59 లక్షలు

దేశంలో అతిపెద్ద ఎలక్ట్రిక్‌ కమర్షియల్‌ వాహన తయారీ సంస్థ మహీంద్రా లాస్ట్‌ మైల్‌ మొబిలిటీ లిమిటెడ్‌..తాజాగా దేశీయ మార్కెట్‌కు ప్యాసింజర్‌ ఎలక్ట్రిక్‌ ఆటోను పరిచయం చేసింది. ‘ఉడో’ పేరుతో విడుదల చేసిన ఈ ఆటోను ప్రారం భ ధర రూ.3,58, 999గా నిర్ణయించింది.

హైదరాబాద్‌, ఫిబ్రవరి 12 : దేశంలో అతిపెద్ద ఎలక్ట్రిక్‌ కమర్షియల్‌ వాహన తయారీ సంస్థ మహీంద్రా లాస్ట్‌ మైల్‌ మొబిలిటీ లిమిటెడ్‌..తాజాగా దేశీయ మార్కెట్‌కు ప్యాసింజర్‌ ఎలక్ట్రిక్‌ ఆటోను పరిచయం చేసింది. ‘ఉడో’ పేరుతో విడుదల చేసిన ఈ ఆటోను ప్రారం భ ధర రూ.3,58, 999గా నిర్ణయించింది. స్వల్పకాలం మాత్రమే ఈ ధరలు అందుబాటులో ఉంటుందని, ఆ తర్వాత ఈ ధరను రూ.3,84,299కి పెంచుతామని కంపెనీ వర్గాలు వెల్లడించాయి.

జహీరాబాద్‌ ప్లాంట్లో తయారీ

హైదరాబాద్‌కు సమీపంలోని జహీరాబాద్‌లో ఉన్న ఉత్పత్తి కేంద్రంలో ఈ ఎలక్ట్రిక్‌ ఆటోను తయారు చేసినట్టు మహీంద్రా లాస్ట్‌ మైల్‌ మొబిలిటీ లిమిటెడ్‌ సీఈవో, ఎండీ సుమన్‌ మిశ్రా తెలిపారు. ఈ ఆటోను ఉత్పత్తి చేయడానికి రూ.500 కోట్లు పెట్టుబడిగా పెట్టినట్టు, ఏడాదికి రెండు లక్షల యూనిట్ల సామర్థ్యం కలిగిన ప్రత్యేక లైన్‌ను నెలకొల్పినట్టు చెప్పారు. దేశవ్యాప్తంగా ఇప్పటికే ముందస్తు బుకింగ్‌ చేసుకున్న కస్టమర్లకు ఈ వారాంతం డెలివరీ చేయనున్నట్టు ఆమె ప్రకటించారు.

ఉడో ఆటో ప్రత్యేకతలు

• సింగిల్‌ చార్జింగ్‌తో 200 కిలోమీటర్లు ప్రయాణించనున్నది.
• 11.7 కిలోవాట్ల బ్యాటరీతో తీర్చిదిద్దిన గంటకు 55 కిలోమీటర్లు వేగంతో దూసుకుపోనున్నది
• ఈ ఆటోపై ఆరేండ్లు లేదా 1.5 లక్షల కిలోమీటర్ల వ్యారెంటీ కల్పిస్తున్నది.
• లక్ష కిలోమీటర్ల వరకు ఉచిత సర్వీసింగ్‌, రూ.20లక్షల ప్రమాద బీమా ఉన్నది.