Starbucks CEO | సుంద‌ర్ పిచ్చాయ్ స‌హ‌చ‌రుడే స్టార్‌బ‌క్స్ సీఈవో.. ఇండియ‌న్ సీఈవోలు వీరే..!

Starbucks CEO | స్టార్‌బ‌క్స్ సీఈవోగా గూగుల్-ఆల్ఫాబెట్ సీఈవో సుంద‌ర్ పిచ్చాయ్ స‌హ విద్యార్థి ల‌క్ష్మ‌ణ్ న‌ర్సింహ‌న్ నియ‌మితుల‌య్యారు.

Starbucks CEO |ఆర్య‌భ‌ట్ట నుంచి మాజీ రాష్ట్ర‌ప‌తి డాక్ట‌ర్ ఏపీజే అబ్దుల్ క‌లాం వ‌ర‌కు అంత‌ర్జాతీయంగా మేధావుల‌కు పెట్టింది పేరుగా భార‌త్ నిలుస్తుంది. అంత‌ర్జాతీయంగా వివిధ కార్పొరేట్ సంస్థ‌ల్లో మేధో సంప‌త్తితోపాటు వ్యాపార‌, వాణిజ్య లావాదేవీల్లో త‌మ నైపుణ్యానికి మెరుగులు దిద్ది.. ఆయా సంస్థ‌ల అధినేత‌లుగా ఎదుగుతున్న భార‌త సంత‌తి నిపుణుల‌కు కొద‌వ లేదు.

ఐటీ జెయింట్స్ మైక్రోసాఫ్ట్ స‌త్య నాదెళ్ల‌, సెర్చింజ‌న్ గూగుల్ సీఈవో సుంద‌ర్ పిచ్చాయ్ వంటి ప్ర‌ముఖుల స‌ర‌స‌న మ‌రొక ఎన్నారై చేరారు. ఆయ‌న పేరు ల‌క్ష్మ‌ణ్ న‌ర్సింహ‌న్‌..స్టార్‌బ‌క్స్ సీఈవోగా నియ‌మితుల‌య్యాక‌.. ప్ర‌స్తుతం రెకిట్ సీఈవోగా ల‌క్ష్మ‌ణ్ న‌ర్సింహ‌న్ రాజీనామా చేశారు.

ప్ర‌పంచ అగ్ర‌శ్రేణి కార్పొరేట్ సంస్థ‌ల సీఈవోలుగా స‌త్య‌నాదెళ్ల (మైక్రోసాఫ్ట్‌), శంత‌ను నారాయ‌ణ్ (అడోబ్‌), సుంద‌ర్ పిచ్చాయ్ (గూగుల్‌-అల్ఫాబెట్‌), ప‌రాగ్ అగ‌ర్వాల్ (ట్విట్ట‌ర్‌) భార‌తీయులే. ఇక పెప్సికో సీఈవోగా 12 ఏండ్ల పాటు ప‌ని చేసిన ఇంద్రానూయి 2018లో వైదొలిగారు. పెన్నిసెల్వేనియా యూనివ‌ర్సిటీలోని బిజినెస్ అడ్మినిస్ట్రేష‌న్ స్కూల్‌లో స‌హ విద్యార్థి. ఇలా వివిధ సంస్థ‌ల‌కు సీఈవోలుగా, అధిప‌తులుగా సార‌ధ్యం వ‌హిస్తున్న భార‌త సంత‌తి మేధావుల గురించి తెలుసుకుందాం.. !

• 1990 ద‌శకం మ‌ధ్య‌లో రోహ్మ్ హ్యాస్ సీఈవో చైర్మ‌న్‌గా రాజ్‌గుప్తా నియ‌మితుల‌య్యారు. హార్ట్‌ఫోర్డ్ ఫైనాన్సియ‌ల్ స‌ర్వీసెస్ గ్రూప్ సీఈవో అండ్ చైర్మ‌న్‌గా రామ్ అయ్య‌ర్‌, యూఎస్ ఎయిర్వేస్ సీఈవోగా రాకేశ్ గంగ్వాల్ ప‌ని చేశారు.
• 2020వ ద‌శ‌కంలో శీత‌ల పానీయాల కంపెనీ సీఈవోగా ఇంద్రానూయి ప‌ని చేశారు. అక్క‌డ నుంచి వివిధ కార్పొరేట్ సంస్థ‌ల సీఈవోలుగా, అధిప‌తులుగా భార‌త సంత‌తి నిపుణులు నియ‌మితుల‌వుతూనే ఉన్నారు.
• స‌త్య‌నాదెళ్ల‌- సీఈవో, మైక్రోసాఫ్ట్
• ప‌రాగ్ అగ‌ర్వాల్ – ట్విట్ట‌ర్ సీఈవో
• అర‌వింద్ కృష్ణ – చైర్మ‌న్‌, సీఈవో ఐబీఎం
• వివేక్ శంక‌ర‌న్ – అల్బ‌ర్ట్‌స‌న్స్ ప్రెసిడెంట్ అండ్ సీఈవో
• సంజ‌య్ మెహ్రోత్రా – మైక్రాన్ టెక్నాల‌జీ సీఈవో, ప్రెసిడెంట్‌
• శంత‌ను నారాయ‌ణ్ – చైర్మ‌న్‌, సీఈవో- అడోబ్ ఇంక్‌
• సీఎస్ వెంక‌ట కృష్ణ‌న్‌- సీఈవో బార్‌క్లేస్‌
• సుంద‌ర్ పిచ్చాయ్‌- సీఈవో, గూగుల్‌- దాని మాతృసంస్థ అల్ఫాబెట్‌
• పునీన్‌రెన్‌జెన్ – సీఈవో, డెల్లాయిట్‌
• అజ‌య్‌పాల్ బంగా- మాస్ట‌ర్ కార్డ్, ఎగ్జిక్యూటివ్ చైర్మ‌న్

ఈ వార్త‌లు కూడా చ‌ద‌వండి:

గ్లోబ‌ల్ దిగ్గ‌జ సంస్థ‌ల‌కు సీఈవోలు మ‌నోళ్లే..!

టెక్నాల‌జీ వ‌ర‌ల్డ్‌.. నాదెళ్ల‌.. పిచ్చాయ్ నైపుణ్య ముద్ర ఇలా..