కొటక్‌ బ్యాంక్‌ లాభం 4,566 కోట్లు

ప్రైవేట్‌ రంగ ఆర్థిక సేవల సంస్థ కొటక్‌ మహీంద్రా బ్యాంక్‌ ఆశాజనక ఆర్థిక ఫలితాలు ప్రకటించింది. మార్చితో ముగిసిన మూడు నెలల కాలానికిగాను బ్యాంక్‌ రూ.4,566 కోట్ల కన్సాలిడేటెడ్‌ నికర లాభాన్ని గడించింది. అంతక్రితం ఏడాది ఇదే త్రైమాసికంలో నమోదైన రూ.2,767 కోట్ల లాభంతో పోలిస్తే 14.29 శాతం వృద్ధి కనబరిచింది.

• క్యూ4లో 14 శాతం పెరిగిన ప్రాఫిట్‌

ముంబై, ఏప్రిల్‌ 29: ప్రైవేట్‌ రంగ ఆర్థిక సేవల సంస్థ కొటక్‌ మహీంద్రా బ్యాంక్‌ ఆశాజనక ఆర్థిక ఫలితాలు ప్రకటించింది. మార్చితో ముగిసిన మూడు నెలల కాలానికిగాను బ్యాంక్‌ రూ.4,566 కోట్ల కన్సాలిడేటెడ్‌ నికర లాభాన్ని గడించింది. అంతక్రితం ఏడాది ఇదే త్రైమాసికంలో నమోదైన రూ.2,767 కోట్ల లాభంతో పోలిస్తే 14.29 శాతం వృద్ధి కనబరిచింది. గత త్రైమాసికంలో నికర వడ్డీ ఆదాయం రూ.4,521 కోట్ల నుంచి రూ.6,103 కోట్లకు పెరగడం వల్లనే లాభాల్లో భారీ వృద్ధి నమోదైందని బ్యాంక్‌ వర్గాలు వెల్లడించాయి.

• గత త్రైమాసికంలో బ్యాంక్‌ స్థూల నిరర్థక ఆస్తుల విలువ 2.34% నుంచి 1.78%కి దిగొచ్చింది.
• 2022-23 ఆర్థిక సంవత్సరం మొత్తానికి రూ.14,925 కోట్ల కన్సాలిడేటెడ్‌ ప్రాఫిట్‌ను ఆర్జించింది.
• నికర వడ్డీ ఆదాయం రూ.16,818 కోట్ల నుంచి రూ.21,552 కోట్లకు ఎగబాకింది.
• ఫీజు, ఇతర సేవల ద్వారా బ్యాంక్‌కు రూ.6,790 కోట్ల ఆదాయం గడించింది.
• బ్యాంక్‌ అడ్వాన్స్‌లు 18 శాతం పెరిగి రూ.3,19,861 కోట్లకు చేరుకున్నాయి.
• రూ.5 ముఖ విలువ కలిగిన ప్రతిషేరుకు రూ.1.50 డివిడెండ్‌ను బ్యాంక్‌ బోర్డు ప్రతిపాదించింది.