ఆ రియాక్షన్‌కి షాకయ్యా

‘ప్రేక్షకుల స్పందన చూస్తుంటే చాలా ఆనందంగా ఉంది. విజయశాంతిగారితో కలిసి పనిచేయడం అదృష్టంగా భావిస్తున్నా. తల్లీకొడుకుల బాండింగ్‌ ఆడియన్స్‌ని బాగా ఆకట్టుకుంది.

‘ప్రేక్షకుల స్పందన చూస్తుంటే చాలా ఆనందంగా ఉంది. విజయశాంతిగారితో కలిసి పనిచేయడం అదృష్టంగా భావిస్తున్నా. తల్లీకొడుకుల బాండింగ్‌ ఆడియన్స్‌ని బాగా ఆకట్టుకుంది. ఈ సినిమాకు సంబంధించిన ప్రతి క్రాఫ్ట్‌ని ప్రేక్షకులు పొగుడుతున్నారు. ముఖ్యంగా ైక్లెమాక్స్‌ ఈ సినిమాకు హైలైట్‌. మా అబ్బాయి సినిమా చూసి ఇలాంటి సీక్వెన్స్‌ ఇండియన్‌ స్క్రీన్‌పై చూడలేదన్నాడు. ఆ రియాక్షన్‌కి నేను షాక్‌ అయ్యాను. ఏదేమైనా ఈ క్రెడిట్‌ అంతా దర్శకుడు ప్రదీప్‌దే’ అని హీరో కల్యాణ్‌రామ్‌ పేర్కొన్నారు.

ఆయన హీరోగా ప్రదీప్‌ చిలుకూరి దర్శకత్వంలో రూపొందిన చిత్రం ‘అర్జున్‌ సన్నాఫ్‌ వైజయంతి’. విజయశాంతి కీలక పాత్ర పోషించిన ఈ చిత్రం శుక్రవారం విడుదలైంది. ఈ సందర్భంగా ఏర్పాటు చేసిన సక్సెస్‌ ప్రెస్‌మీట్‌లో కల్యాణ్‌రామ్‌ మాట్లాడారు. ‘నిర్మాణంలో ఉన్నప్పుడే ఈ సినిమా సూపర్‌హిట్‌ అవుతుందని నమ్మాం. ఆ నమ్మకం నిజమైంది’ అని నటుడు శ్రీకాంత్‌ అన్నారు. ప్రేక్షకులకూ, ఈ సినిమాకు పనిచేసిన వారందరికీ దర్శక, నిర్మాతలు కృతజ్ఞతలు తెలియజేశారు.