BSNL | సామాన్యులే లక్ష్యం.. రూ.107 కనీస రీచార్జ్‌తో బీఎస్‌ఎన్‌ఎల్‌ సరికొత్త ప్లాన్‌

ప్రభుత్వరంగ టెలికం సంస్థ బీఎస్‌ఎన్‌ఎల్‌..మరో ప్లాన్‌ను పరిచయం చేసింది. ఒకవైపు టెలికం దిగ్గజాలు తమ ప్లాన్ల ధరలను పెంచుతూ పోతుంటే..మరోవైపు బీఎస్‌ఎన్‌ఎల్‌ మాత్రం సామాన్యుడి లక్ష్యంగా చేసుకొని పలు ప్లాన్లను ఆవిష్కరిస్తున్నది.

• మరో చౌక టారిఫ్‌ను అందుబాటులోకి తీసుకొచ్చిన సంస్థ

BSNL | న్యూఢిల్లీ, జూలై 12: ప్రభుత్వరంగ టెలికం సంస్థ బీఎస్‌ఎన్‌ఎల్‌.. మరో ప్లాన్‌ను పరిచయం చేసింది. ఒకవైపు టెలికం దిగ్గజాలు తమ ప్లాన్ల ధరలను పెంచుతూ పోతుంటే..మరోవైపు బీఎస్‌ఎన్‌ఎల్‌ మాత్రం సామాన్యుడి లక్ష్యంగా చేసుకొని పలు ప్లాన్లను ఆవిష్కరిస్తున్నది. దీంట్లోభాగంగా 35 రోజుల కాలపరిమితితో రూ.107 కనీస రీచార్జి ప్లాన్‌ను ప్రవేశపెట్టింది. ఈ ప్లాన్‌ కింద 200 నిమిషాలు ఏ నెట్‌వర్క్‌కైనా మాట్లాడుకోవచ్చును, అలాగే 3జీబీ డాటాను వినియోగించుకోవచ్చును.

టెలికం దిగ్గజాలైన జియో, ఎయిర్‌టెల్‌, వొడాఫోన్‌ ఐడియా అందిస్తున్న ప్లాన్ల కంటే ఇదే చౌకది కావడం విశేషం. ఇటీవల కాలంలో జియో, ఎయిర్‌టెల్‌, వొడాఫోన్‌ ఐడియాలు తమ ప్లాన్ల ధరలను 25 శాతం వరకు పెంచాయి. దీంతో కస్టమర్లు ఈ నెట్‌వర్క్‌లను వదిలి తక్కువ ప్లాన్లను అందిస్తున్న బీఎస్‌ఎన్‌ఎల్‌ వైపు మొగ్గుచూపుతున్నారు. ప్రస్తుతం ఎంపిక చేసిన నగరాల్లో 4జీ సేవలు అందిస్తున్న బీఎస్‌ఎన్‌ఎల్‌..వచ్చే నెల చివరినాటికి ఈ సేవలను దేశవ్యాప్తంగా విస్తరించాలనుకుంటున్నది.

• జియో రూ.189 ప్రీపెయిడ్‌ రీచార్జి ప్లాన్‌ను అందిస్తున్నది. 28 రోజుల కాలపరిమితితో ఇదే చౌకైన ప్లాన్‌. అన్‌లిమిటెడ్‌ వాయిస్‌ కాలింగ్‌, 2జీబీ డాటా, 300 ఎస్‌ఎంఎస్‌లు పంపుకోవచ్చును
• ఎయిర్‌టెల్‌ రూ.199 ప్రీపెయిడ్‌ రీచార్జి ప్లాన్‌ ప్రకటించింది. 28 రోజుల కాలపరిమితితో లభించే ఈ ప్లాన్‌ కింద 2జీబీ డాటా, 100 ఎస్‌ఎంఎస్‌లు
• అలాగే వొడాఫోన్‌ ఐడియా 28 రోజుల కాలపరిమితితో రూ.199 ప్రీపెయిడ్‌ రీచార్జి ప్లాన్‌ను అందిస్తున్నది. ఈ ప్లాన్‌లో 2జీబీ డాటా, 300 ఎస్‌ఎంఎస్‌లు ఉచితంగా పంపుకోవచ్చును.