iPhone Offers | త్వరలో ఐ-ఫోన్ 16 లాంచింగ్.. పాత మోడల్ ఫోన్లపై భారీ డిస్కౌంట్లు.. ఇవీ డిటైల్స్..!

iPhone Offers | త్వరలో ఐ-ఫోన్ 16 సిరీస్ ఫోన్లను ఆవిష్కరించనున్న నేపథ్యంలో ఆపిల్ పాత మోడల్ ఐ-ఫోన్లపై భారీ డిస్కౌంట్లు ఆఫర్ చేస్తోంది.

August 13, 2024 / 06:43 PM IST

iPhone Offers | త్వరలో ఐ-ఫోన్ 16 లాంచింగ్.. పాత మోడల్ ఫోన్లపై భారీ డిస్కౌంట్లు.. ఇవీ డిటైల్స్..!

iPhone Offers | మీరు ఆపిల్ ఐ-ఫోన్ (Apple iPhone) సొంతం చేసుకోవాలని తలపోస్తున్నారా..? కొన్ని నెలలుగా ఐ-ఫోన్ 14, ఐ-ఫోన్ 13, ఐ-ఫోన్ 15 స్మార్ట్ ఫోన్లపై కొన్ని నెలలుగా ఆపిల్ పలు రకాల ఆఫర్లు, డిస్కౌంట్లు ప్రకటించింది. ఈ డిస్కౌంట్లు, ఆఫర్లు ఎంతో ఆకర్షణీయంగానూ ఉన్నాయి. రెగ్యులర్ ఫోన్ ధరతో పోలిస్తే రూ.10 వేల నుంచి రూ.12 వేల వరకూ డిస్కౌంట్ లభిస్తోంది. త్వరలో ఐ-ఫోన్ 16 సిరీస్ ఫోన్లు మార్కెట్లోకి రానున్నాయి. ఈ నేపథ్యంలో 2023, అంతకంటే పాత మోడల్ ఫోన్లపై డిస్కౌంట్లను స్మార్ట్ ఫోన్ ప్రేమికులు సొమ్ము చేసుకోవచ్చు. అయితే, పూర్తి స్థాయిలో డిస్కౌంట్లు అందుకోవాలంటే కొంతకాలం వేచి ఉండాల్సి రావచ్చు.

ఫ్లిప్ కార్ట్ తోపాటు బ్యాంకు ఆఫర్లతో కలుపుకుని ఐ-ఫోన్ 15 ధర రూ.79,900 నుంచి రూ.63 వేలకు దిగి వచ్చింది. గత వారం రూ.44,600లకే అందుబాటులో ఉంది. ఇక గత నెలలో ఐ-ఫోన్ 14 ప్లస్ ఫోన్ బ్యాంకు ఆఫర్లతో కలుపుకుని రూ.54,999లకు లభించింది. దీనికి తోడు స్మార్ట్ ఫోన్ల ఉపకరణాలపై దిగుమతి సుంకం తగ్గిస్తూ కేంద్రం నిర్ణయం తీసుకోవడంతో ఐ-ఫోన్ 15 ప్రో మ్యాక్స్, ఐఫోన్ 15 ఇతర ఐ-ఫోన్లపై రూ.6,000 వరకూ ధర తగ్గించింది ఆపిల్.

యూనియన్ బడ్జెట్ లో దిగుమతి సుంకం 20 నుంచి 15 శాతానికి తగ్గించిన సంగతి తెలిసిందే. తదనుగుణంగా ఆపిల్ తన ఐ-ఫోన్లపై 3-4 శాతం ధరలు తగ్గించింది. దీంతో ఐ-ఫోన్ 13 ఫోన్ రూ.59,900 నుంచి రూ.57,600, ఐ-పోన్ 14 రూ.69,900 నుంచి రూ.69,600, ఐ-ఫోన్ 14 ప్లస్ రూ.79,900 నుంచి రూ.79,600, ఐఫోన్ 15 ఫోన్ రూ.79,900 నుంచి రూ.79,600, ఐఫోన్ 15 ప్లస్ ఫోన్ రూ.89,900 నుంచి రూ.89,600లకు దిగి వచ్చాయి.

ఇక ఐ-ఫోన్ 15 ప్రో ఫోన్ ధర రూ.1,34,900 నుంచి రూ.1,29,800 (రూ.5,100 ఆఫర్), ఐఫోన్ 15 ప్రో మ్యాక్స్ ధర రూ.1,59,900 నుంచి రూ.1,54,000 (రూ.5,900)లకు దిగి వచ్చాయి. వీటితోపాటు బ్యాంకు ఆఫర్లు, ఈకామర్స్ ప్లాట్ ఫామ్స్ డిస్కౌంట్లు అదనం.