న్యూఢిల్లీ : ప్రైవేట్ విమానయాన సంస్ధ ఇండిగో 500 ఎయిర్బస్ ఏ320 ఎయిర్క్రాఫ్ట్లను కొనుగోలు చేయనుంది. ఇది విమానయాన చరిత్రలో అతిపెద్ద ఒప్పందంగా (Mega Aviation Deal) నిలవనుంది. 5500 కోట్ల డాలర్ల విలువైన ఈ ఒప్పందం పౌర విమానయాన రంగంలో అతిపెద్ద ఆర్డర్గా నమోదైంది. ఇండిగో చీఫ్ పీటర్ ఎల్బర్స్ ఈ చారిత్రాత్మక డీల్ వివరాలను సోమవారం ప్రకటించారు.
గత కొద్దిరోజులుగా ఈ భారీ డీల్పై ఎయిర్బస్, ఇండిగో జరుపుతున్న చర్చలు ఫలవంతమయ్యాయి. ఇండిగో డీల్తో పాటు ఎయిర్బస్ సౌదీ ఎయిర్లైనర్ ఫ్లైనాస్ కోతో కూడా ప్రతిష్టాత్మక ఒప్పందాన్ని ఖరారు చేసేందుకు కసరత్తు సాగిస్తోందని బ్లూమ్బర్గ్ న్యూస్ వెల్లడించింది.
కాగా, ఈ ఒప్పందాలకు సంబంధించి అధికారిక ప్రకటనలను అందించేందుకు ఎయిర్బస్, ఇండిగో, ఫ్లైనాస్ ప్రతినిధులు నిరాకరించారు. ఇండిగో, ఎయిర్బస్ భారీ ఒప్పందానికి సంబంధించి పూర్తి వివరాలు వెలుగుచూడాల్సి ఉంది.
Read More :
iPhone Exports | ఒక్క నెలలో ఐ-ఫోన్ల ఎగుమతుల్లో న్యూ రికార్డు.. ఎంతో తెలుసా?!